كتبت:مي شاهين
حلت الفنانة نهى العمروسي، ضيفة على برنامج Vip التي تقدمه الإعلامية أميرة بدر ويعرض على قناة هي.
وعلقت الفنانة نهى العمروسي على تحريم بعض الفنانين والفنانات للفن بعد اعتزالهم، أو رفض التلامس والقبلات في السياق الدرامي.
حيث قالت:بشوف الناس دي مش محترفين، ميفنعش أدخل على ابويا وانا راجعة من السفر مايحضنيش اللي بيمثل دوري ابويا، ماينفعش اكون قاعدة في البيت بالأشرب، المحجبين مبيقعدوش في البيت بالأشرب، مينفعش واحده بتعمل دور أختي في مشهد محضنهاش مينفعش احنا بنمثل”.
وتابعت نهى العمروسي:” مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، انما ممنوع اللمس طب أنتي بتمثلي ليه؟”.
وتابعت نهى العمروسي:” يوسف الشريف بيرفض التلامس، هو حر وأنا لازم احترمه بس انا حره أني أقول لا أنه مش محترف وده مش فن، مينفعش انت تحطلي شروط وأنت شايف ان ده حرام متلعبهاش خالص لكن انت راضي انك تشتغل الشغلانه دي تشتغلها بمصداقيه أو تشوف شغلانه تانية”.
وكشفت نهى العمروسي موقف جمعها بالفنانة فاتن حمامة في مسلسل ضمير أبلة حكمت:” أنا لبسي كان شيك شوية عن الدور اللي بعمله كنت بعمل مدرسة العاب وهي كانت عايزه لبس ابسط وده في مسلسل ابلة حكمت، وهي محترمة جدا ورايقة وواخده بالها من كل حاجة، والمفروض أن في ناس تبقى واخده بالها من الحاجات دي مش فاتن حمامة أنما هي واخده بالها من كل كبيرة وصغيرة”.
