كتبت: هبه الله تامر
حل اليوم الخميس 30 مارس الفنان الكبير صلاح عبدالله ضيفًا على المذيعة منى عبدالوهاب في برنامجها الرمضاني “أنا والقناع”، وذلك في السادسة والنصف على شبكة قنوات الحياة، والعاشرة على قناة cbc.
وتحدث صلاح عبدالله عن الدته الراحلة، حيث أبلغ شقيقه فاروق عن طريق التليفون الأرضي بالمسرح أن والدتهم توفيت وذلك أثناء عرض مسرحية «الهمجي» مع الفنان محمد صبحي.
صلاح عبدالله عن والدته: كنت سايبها تعبانة وحاسس فيه حاجة
وقال صلاح عبدالله: «أخويا الكبير إتصل بيا بالتليفون الأرضي وكنت بتكلم عند عم إبراهيم النجار ومكنش التليفون دخل بيتنا وفاروق قدر يوصل لإدارة المسرح وقالهم ميقولوش دلوقتي غير لما يخلص العرض.. كنت سايبها تعبانة وحاسس فيه حاجة وبقاوم عشان أمثل كويس لأنه كان يوم تصوير المسرحية وأهم يوم في حياة الممثل المسرحي يوم تصوير المسرحية».
صلاح عبدالله: قالوا روح وتعالى تاني عشان العرض التاني
وتابع صلاح عبدالله: «صبحي ولينين دخلوا لي وهيأوني وقالوا لي فيه عربية وروح وتعالى تاني عشان العرض التاني»، مشيرًا إلى أنه كان طوال الطريق في حالة صمت «صمت ومفيش دموع وصور أمي في جميع المراحل اللي عشتها معاها زي شريط سينما كده وكأني بتفرج على فيلم من ساعة ما وعيت على حضنها لحد ما سيبتها في السرير وهي تعبانة لحد ما وصلت البيت مش شايف حد قدامي جريت على الأوضة اللي كانت نايمة فيها أمي وكنت ببوس السرير مكان إيديها ورأسها ورجلها».
برنامج أنا والقناع
“أنا والقناع” برنامج رمضاني تقدمه منى عبدالوهاب ويُعرض على قناتي الحياة وcbc ضمن خريطة الشركة المُتحدة للخدمات الإعلامية وإنتاج شركة DS+، يستضيف السوبر ستار من الفنانين.
ضيوف برنامج أنا والقناع
وإستضاف برنامج أنا والقناع في الأيام السابقة النجمة يسرا والنجمة غادة عادل والنجمة نيللي كريم والنجم شريف منير والكوميديانة شيماء سيف والفنان محيي إسماعيل والفنان بيومي فؤاد والفنانة ريهام عبد الغفور، ومن المقرر أن يحمل البرنامج عدد من المفاجآت خلال الأيام المُقبله.
