كتبت:مي شاهين
كشف المخرج محمد سامي سر نجاح مسلسل جعفر العمدة، الذي يعرض حاليًا خلال الموسم الرمضاني 2023.
حيث قال:”مسلسل جعفر العمدة فيه رسائل كتير وأفكار كتير لها علاقة بالتعامل والإحترام والأخلاق والإنتماء الأسري، وأنا بحب أتكلم عن البر بالوالدين وأفكر الناس بالقيم دي في مسلسلاتي من زمان”.
وتابع:”كل الناس عارفة التوليفة الأقرب للجمهور والشارع، ولكن اللي بيوصلها ويعملها هو اللي ربنا بيفتحها عليه وبيديله بصيرة وتوفيق، ومش بشوف نفسي الأفضل ولكن أنا ربنا كرمني وأهلي راضين عني عشان كدا ربنا موفقني”.
وتحدث عن الجانب الكوميدي لمسلسل جعفر العمدة قائلاً :” 80% من الإفيهات في الإسكربت وقبل المشهد بقعد مع الممثلين وبقرأ لهم المشهد الأول، وممكن حد يطلع منهم بإفيه لطيف بس مش بنبعد عن السيناريو”.
وأما عن نجاحه مع محمد رمضان قال:” أنا ومحمد رمضان شركاء نجاح وإخوات، وفيه بيننا ثقة وإحترام وبنشتغل كشخص واحد وبنساعد بعض لأننا في مركب واحد وبننزل الصبح من البيت عايزين نسعد الجمهور، وتفكيرنا قريب من بعض”.
