كتبت:مي شاهين
تحدث المخرج محمد سامي عن سر نجاح مسلسل جعفر العمدة، وعن تشبيه البعض للمسلسل بمسلسل”عائلة الحج متولي”.
حيث قال:”المسلسل بتاعي مش بيحكي عن 4 زوجات بس، وطبعًا نور الشريف أستاذ اتعلمت منه وتشبيه جعفر العمدة بعائلة الحاج متولي دا فوق راسي، ولكن مسلسلي بيحكي عن أب بيدور على ابنه، وكنت منتظر الناس تقول أنه شبه الحاج متولي ودا إتقال لما تم الإعلان عن المسلسل بس إنما لم يأخذ صدى لأن المسلسل مختلف، وأنا هقدم ليه فكرة اتعملت؟ مش من قلة المواضيع ولا الأفكار”.
وعن كتابة إسمه أكثر من مرة على التتر قال:” اسمي على التتر 6 مرات، أنا المخرج وعامل القصة والسيناريو والحوار هكتب قصة أحمد نجيب مثلا؟ وأمي وأبويا بيفرحوا لو أطول أكتبه 10 مرات هعمل كدا”.
وعن التقنية المستخدمة لتصغيير الفنانة لبنى ونس قال:” تصغير شكل لبنى ونس تم عن طريق تقنية قريبة من تقنيات هوليوود ودا بدأنا نفكر فيه قبل ما نصور المسلسل نفسه، ودي تقنية أول مرة تتعمل في الوطن العربي وفرحت لما الناس اتكلمت، ومكنتش عايز أصغرها بالمكياج لا أنا عايز أعيش المشاهد جوا الحالة والمسلسل”.
