كتبت:مي شاهين
تحدثت الفنانة غادة عبد الرازق عن خلافها مع الفنان أحمد زاهر، وردت على تصريحاته التي تؤكد وجود عداوة بينه وبينها.
حيث قالت في تصريحات تلفزيونية :”هو بيقول حاجة وهو مش متأكد منها عمري ما كان عندي مشكلة مع أحمد، عمري ما اتخانقت معاه أو شدينا في الكلام، أنا مش مسؤولة عن كلامه، ليلى أحمد زاهر مرشحة معايا لمسلسل تلت التلاتة من البداية لحد دلوقت، حتى لو كان عندي مشكلة مع أحمد عمري ما أدخلها في الشغل”.
وتابعت:” أنا عندي نظرة في الممثل اللي مش لازم يبقى دايمًا بيعمل الدور ده، راهنت على محمد القس وراهنت عليه أكتر لما عمل كوميدي، هو ممثل شاطر جدًا وعشان كدا هيقدم دور مختلف في مسلسل تلت التلاتة”َ.
وتخوض غادة الموسم الرمضاني هذا العام من خلال مسلسل تلت التلاتة المقرر عرضه في النصف الثاني من الموسم الرمضاني،وتظهر بـ 3 شخصيات وهي صاحبة شركة عقارات والثانية فاشون دايزاينر والثالثة كاتبة روائية، والعمل من تأليف هبة الحسينى، وإخراج حسن صالح، ويشارك في بطولته إلى جانب غادة عبدالرازق كل من: أحمد مجدى، مى سليم، مصطفى درويش، ليلى أحمد زاهر، محمد القس، صلاح عبدالله وبرلتنى فؤاد وعدد آخر من الفنانين، ومقرر عرض العمل على قناة النهار.
