كتبت:مي شاهين
حلت الفنانة ميس حمدان، ضيفة على برنامج vip التي تقدمه الإعلامية أميرة بدر، ويعرض على قناة هي
وكشفت الفنانة ميس حمدان، أسباب تخوفها من خطوة الإنجاب، خاصة بعد تعرضها لأكثر من موقف مؤثر خلال حياتها.
حيث قالت:” أنا حنينة أوي وبحب الأطفال أوي بس بخاف أبقى ظالمة أو أجيب عيل للغابة اللي عايشين فيها دي، الحياة صعبة ووحشة أوي، فيها إحباطات كتير ومكنتش فاهمة أنها كده، هي دار ابتلاء، إنتي لو مؤمنة بالله وأن في آخره هتعرفي أن الدنيا متاع مش علشان تاخدي فيها اللي إنتي عايزاه، ولكنها مرحلة هنعدي بيها”.
وتابعت:” الحياة صعبة لأننا بنكون عايزين حاجات كتير ومش بناخدها، وفي حاجة من الحاجات اللي كان عندي رغبة كبيرة فيها ولكن دلوقتي بقى عندي حالة من السكينة هي نجاحي في شغلي، ولكن من كام سنة أثر عليا في نفسيتي كتير، وعلاقات حب لا تكتمل، والناس بقت صعبة ووحشة، والحياة بتخلينا لازم نطلع الوحش اللي جوانا عشان نحمي نفسنا، بقى عندنا حالة من الجشع بشعة ومفيش حد بيحب الخير لحد”.
برنامج “vip” يذاع يوميا خلال شهر رمضان على شاشة قناة “هي” ومن تقديم الإعلامية أميرة بدر، ويعرض في تمام الساعة السابعة مساءً ويستضيف عددا من نجوم الفن والرياضة.
