أحمد والي : فكرت عقب قراءة 15 حلقة من الكتيبة 101 عن تحضيري لشخصية بسيطة وحقيقية
كتبت : مادونا عادل عدلي
أعلن الفنان أحمد والي إنه أحب تجسيد شخصية “أحمد” في الكتيبة 101 بشكل بسيط وحقيقي، متابعا: “لما قرأت الورق كله أول 15 حلقة، قعدت أفكر إزاي نعمله بشكل بسيط وحقيقي جدا
وتابع … وأول سؤال سألته للمخرج محمد سلامة بعد أول مشهد، حضرتك حابب تزود حاجة على اللي أنا مذاكره في الشخصية ومحضرة، قالي لا تمام أوي بسطه في الوصول ليا ودا اللي هنشتغل عليه، فهفضل ماسك الأحداث بالشكل دا”.
وأعرب أحمد والي عن فخره وسعادته البالغة بالمشاركة في مسلسل الكتيبة 101، خلال حلوله ضيفا على تليفزيون اليوم السابع مع الزميل الصحفي علي الكشوطي رئيس قسم الفن، مشيرا أنه هذه الفرصة مهمة جدا، ولا تتكرر، لأن أي مشروع وطني يحدث مرة في فيلم أو حالة ستظل عايشة سنوات طويلة
وتابع.. “بالنسبالة لي أفضل الأعمال اللي بحبها في حياتي، بتتكلم عن حرب أكتوبر، وكنت بتفرج عليها كل سنة في بيت جدي وإحنا متجمعين وكأنها حاجة جديدة، فهي التيمة المفضلة بالنسبالي، وبتمنى إن ييجي وقت أكون بعمل حاجة وطني من بطولتي، فهي أعمال ممتعة وفيها تفاصيل كثيرة “.
