فن

حوار | محمد التاجى ..أنا من المشجعين لفكرة الحلقات القصيرة  التى  تحكى قصة واحدة دون مماطلة فى الاحداث

أى عمل بيكون فى ترابط وحب وانسجام بين فريق العمل بيكون عامل اساسى فى نجاح أى عمل

محمد التاجى :

أنا من المشجعين لفكرة الحلقات القصيرة  التى  تحكى قصة واحدة دون مماطلة فى الاحداث

أى عمل بيكون فى ترابط وحب وانسجام بين فريق العمل بيكون عامل اساسى فى نجاح أى عمل

ممكن أرفض أى عمل بدون ناقش لو الشخصية ليس لها أبعاد حقيقيه والدور مش هيفيد حاجه ليا ومش هيفيد حاجه للجمهور

هو فنان على درجه عالية من الثقافة شارك فى العديد من الأعمال فى السينما و التليفزيون و المسرح من اهم اعماله الذى برعى فيها  وهو صاحب أشهر إيفيه من 58 عام لحد الان « يا سعيد »،كشف الفنان محمد التاجى فى حواره لـــ « مجلة كلاسى » عن أهم أعماله وأدواره فى الاعمال القادمة .

كلمنا عن قصة بنات السباعى ودورك فى الحدوتة؟ 

أنا بجسد فى المسلسل شخصية الحاج السباعى وبناتى إللى مطلعين روحى وكل بنت من بناتى ليه مشكلة فى أحداث دراميه هنشوفها فى أحداث المسلسل، وبنحاول نرد للأب المصرى حقه عن دوره فى البيت وبنرجع الاصول إلى قواعدها  إن الأب هو إللى بيحدى على عياله هو إللى بيشيل همهم مش حد تانى

مين إللى رشحك للدور؟  

إللى رشحنى للدور المخرج تامر حمزه والمؤلف محمد إبراهيم وبجد لما قراءة الدور عجبنى ومكنش فيه نقاش كتير على الشخصية.

كلمنا عن كواليس العمل؟  

الكواليس حلوه جدا وبينا حب وشجعن والعمل بيجمع نجوم على قدر المسؤوليه والحب هو  إللى بيسود بينا فى اللوكيشن.

رأيك ايه فى فكرة المسلسلات القصيرة الــ  5 حلقات؟  

أنا من المشجعين لفكرة الحلقات القصيرة  التى  تحكى قصة واحدة دون مماطلة فى الاحداث.

دور الجد توفيق فى مسلسل إلا أنا قصة ” ويبقى الأثر” كان دور مؤثر على الجمهورإزاى حضرت لشخصية الجد ؟

أنا جسدت دور الجد توفيق والد زوج الفنانه نجلاء  بدر  المتوفى وحدث  صراع  بينهم  بعد وفاة الإبن بسبب اختلاف الثقافات والتفكير  بينه وبين الاحفاد ووالدتهم،وكان فيه مقارنة بين التفكير القديم والجديد لأن كل واحد بثقافته وتفكيره والعصر الموجود به.

حضرت لشخصية الجد توفيق ازاى؟ 

دور الجد توفيق كان دور جديد عليا ولم اقدمه من قبل وهذا ما شجعنى بالموافقة عليه وقت قرأت السيناريو حسيت بالدور والتوافق الذى حدث بينى وبين الفنانه نجلاء بدر فى أول تعاون بينا وده إللى ساعدنى فى تحضير الشخصية ونجاح العمل

هل كواليس العمل كانت سبب فى نجاح العمل؟ 

 طبعاً أى عمل بيكون فى ترابط وحب وانسجام بين فريق العمل بيكون عامل اساسى فى نجاح أى عمل لأن لو مفيش حب وتجانس هنلاقى العمل مش طالع كويس  ومش مؤثر فى الناس

محمد التاجى أمتى يرفض عمل بدون ناقش أو تعديل فى السيناريو؟  

ممكن أرفض أى عمل بدون ناقش لو الشخصية ليس لها أبعاد حقيقيه والدور مش هيفيد حاجه ليا ومش هيفيد حاجه للجمهور، وممكن اوافق على عمل بدون تفكير زى عمل بنات السباعى لأن الورق بيشدك والدور بيكون مكتوب كويس وهيضيف ليا وللجمهور

عملت دور فى مسلسل البشاير لحد دلوقتي معلم مع الناس جاتلك ازاى الفكرة خصوصا فى نطق كلمة « يا سعيد »  ؟ 

الفضل يرجع بعد ربنا لمحمود عبد العزيز هو إللى  استفزنى وكان سبب نجاحى  فى مسلسل البشاير، وقالي انت هتعمل الشخصية ديه إزاي قولتله مش عرف لسه، قالي أصلها شخصية متشافة ومعروفة واتعملت كتير قبل كده.

الفكرة جاتلك ازاى إنك تغير فى شكل الشخصية؟

  فكرة وغيرت الإستايل كله اللي متعارف عليه فى الدور ده، وقولت نسيب ديفوه واحد وهو الصوت ونطقى للكلام فى الدور، ولحد دلوقتى الناس بتقابلنى فى الشارع ومش عارفه اسمى الحقيقي وبتنادينى بــ « سعيد » .

ليه مفكرتش إنك تعمل كوميكس أو تيك توك زى اغلب النجوم بــ إيفيه « يا سعيد »؟ 

أنا طبعاً سعيد إن الايفيه فضل معلق مع الناس كلها من ٥٨ سنة حتى الآن بس مفكرتش فى التيك توك ولا كوميكس، لكن لو جه إعلان يكون ماشى مع الايفيه هعمله على  طول .

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى