محمد سامي لـ صاحبة السعادة.. هقدم مسلسل من 15 حلقة بطولة مي عمر في رمضان 2024
كتبت : آية يوسف
حل المخرج محمد سامي، وزوجته الفنانة مي عمر، ضيوفًا في برنامج ” صاحبة السعادة”، والذي تقدمه الإعلامية إسعاد يونس، على قناة DMC في تمام الساعة 11 مساءً.
ليكشف لنا المخرج محمد سامي، عن كواليس مسلسل جعفر العمدة، وعن أعماله القادمة، وعن علاقته بأبنائه وكيف تعرف على مي، وعن حبه لها، وعن اعماله القادمة مع زوجته مي عمر.
ومن أبرز تصريحاته :
“كنت داخل بمسلسل” جعفر العمدة “، وعايز أعمل أنجح وأهم مسلسل في حياتي، وكنت مقرر إن ده لو محصلش مش هشتغل تاني”.
“قابلت شخصية جعفر العمدة، في الحقيقة وهو متجوز أربعة وكل واحدة بتروح له بيته وفي جدول بينهم، ورأي ان الجواز من أربعة حلال ولكن له أسباب ومسببات، وربنا عادل أكيد في أسباب مايكونش الجواز من أربعة طفاسة ولا للعلاقات الجنسية” .
“التعدد حاجة مش حلوة و ملناش علاقة بالديانات ولا سياسات، انا مبدخلش نفسي في رأي ديني ولا سياسي” .
وتابع :” بس بشوف دائمًا رأيي الشخصي والرأي اللي أنا شايفة، من عادات المجتمع، أنا ضد التعدد تمامًا، عشان كدا قدمت جعفر العمدة “.
” عشان ننتقد أي عادة سلبية في المجتمع لازم نناقشها “.
” عملت الشخصيات في مسلسل ” جعفر العمدة”، وبعدها كتبت الأحداث والقصة”.
” مشتغلتش في رمضان 2022، ومسلسل جعفر العمدة كان تحدي كبير بالنسبة لي “.
وأضاف :” مفيش حاجة اسمها التصوير في رمضان وأول مسلسل صورته في رمضان كان آدم ومكنش في أيدي القرار “.
” كنت بخاف ان مدير الإنتاج والمنتج يضايقوا مني بسبب طلباتي واهتمامي بالتفاصيل الصغيرة، لاني بحب اهتم جدًا بالتفاصيل الصغيرة “.
” نجاح جعفر العمدة بسبب التفاصيل الصغيرة وإني داخل التصوير ب 30 حلقة كاملين “.
” مجبتش مي عمر، في مسلسل” جعفر العمدة”، لأن مش هينفع أرجعها خطوات لورا “.
” مسلسل علاقة مشروعة لا خلاف عليه.. وعجبني أداء مي، وياسر جلال، ومراد مكرم، ممثل هايل جدًا “.
وتابع :” عجبني كمان قصة ياسر، مع مي، الصراع في العلاقة مع داليا مصطفى “.
وأضاف :” أنا مش بميل للنعومة في المسلسلات أنا أميل للصراعات أكتر وطبق الكشري “.
“هقدم مسلسل في رمضان 2024، مسلسل من 15 حلقة بطولة مي عمر”.
وأضاف:” أنا ومي، عكس بعض وبنتنا الصغيرة زيها بالظبط “.
وصرح:” عامل تاتو على أيدي بأسم ولادي الإثنين ومي”.
وقال:”” أنا فضلت 5 سنين بحب مي، بعد فسخ خطوبتنا في البداية، والدها اللي فسخها خاف على بنته لما اتعصبت مره قدامه وقرر الإنفصال، وطبعًا رفضي ده عصب والدتي جدًا وقالت هو انت حد يرفضك “.
وتابع:” بس أنا بحب والدها جدًا ووالدتي بتحب مي، أوى “.
وقال:” كنت مضايق في الأول أن مي، مش بتغير عليا خالص، لحد ما في مره كانت موصلة شاحن تليفونها على شاشة التليفزيون وشوفتها كانت قاعدة في السرير قبل ما تنام وقاعدة تقلب في الموبيل:”.
وأكمل :” ودخلت على الكومنتات عندي على اكونتات البنات، ودخلت عليها لقيتها قاعدة بظهرها كدا قلت لها ما انتي بتغيري عليا امال اي بقى “.
وتابع:” أنا مش راجل شديد الغيرة على زوجته، هي مش بتديني فرصة اغير عليها، اغير عليها بس لو اتقرب منها راجل عشان يتكلم معاها، لكن مش بغير عليها من لبسها واترك لها الحرية “.
