كتبت : مادونا عادل عدلي
أعلن صناع فيلم حريم كريم عن جزء ثاني للعمل بعنوان أولاد حريم كريم و العمل من بطولة مصطفى قمر وعلا غانم وداليا البحيري وتيام قمر وبسمة وغيرهم
وتواصلت مجلة كلاسي مع النجم مصطفى قمر وقال “الحقيقة لم يكن مطروح فكرة إننا نقدم جزء ثاني لكن الفكرة بدأت من أربع خمس سنين فبدأت الحكاية تاخد شكل جدي من أكتر من سنتين وتحدثت مع أستاذة زينب عبدالعزيز السيناريست والأستاذ علي إدريس والأول الموضوع كان كأنه حلم وبدأت الفكرة بعدها تتبلور وبدأ الموضوع من هنا”.
وعن مشاركة ابنه تيام العمل معه لأول مرة في الفيلم قال:
“أنا دايما أشعر بحساسية وهي إني أعرض على تيام شي يعمله معايا فدائما بسأله لنفسي يقول لي أه حلو الفكرة دي واعمل كذا وكذا والفكر الجديد بقى بتاع الشباب ده مختلف وكمان تيام دارس حاجات كتير فأنا بحب أخد رأيه وأحب أعرف الحاجات الجديدة”.
وأضاف: “قولت له تيام أنا بعمل حريم كريم الجزء التاني تيجي معايا؟ قالي إنت بتسألني؟ طبعا معاك”.
وتابع… “العمل فيه مجموعة أبطال وأصدقاء عزيزين على قلبي كالنجمة داليا البحيري وعلا غانم وصديقي خالد سرحان وبسمة
ويذكر أن فيلم “أولاد حريم كريم” بطولة: مصطفى قمر، بسمة، داليا البحيري، علا غانم، خالد سرحان، عمرو عبدالجليل، تيام مصطفى قمر، رنا رئيس، وهنا داود وعدد من الوجوه الجديدة، تأليف زينب عزيز وإخراج علي إدريس
