كتبت: نورا مروان
كشفت علياء بسيوني الزوجة الرابعة والأخيرة للفنان أحمد سعد عن إنفصالهما، منذ قليل وذلك بناء على رغبته، وكشفت العديد من التفاصيل المفاجئة في منشور لها عبر حسابها الرسمي على انستجرام.
وكتبت علياء بسيوني عبر إستوري انستجرام قائلة :” الحمد لله على كل شيء .. تم الطلاق بيني وبين أحمد من شوية بناء على رغبته.. حابة أشكر أحمد جدا على أصله الغير طيب ومعدنه السيء .. وحابة أقوله شكرا على قرارك اللحظي الغير موفق في خراب بيتنا وتدمير أسرتنا الجميلة اللي انا تعبت فيها لوحدي“.
وتابعت علياء: “حاولت وعديت بمواقف مفيش حد في مكاني يقبلها عشان الأسرة دي وعشان المشوار الا انا ابتديته، ومكنتش حابه انه ينتهي”.
واكملت علياء: “شكرا على توقيتك الجميل وانا قاعده ببنتي ٣ ايام وانت مش عارف حاجه عشان مشغول الساحل وخروجاته وبعدها شغلك”.
وقالت علياء: “اكبر شكر على المقلب الا انا اخدته في العلاقة دي والكنت فاهمه ان ليها قيمه ببني وبضحي وبتنازل عشانها وانت طلعتها ولاتسوى ربنا معايا انا وبناتي في الجاي وينتقم منك ويديلك على اد كل حاجة حصلت”.
وكان أحمد سعد قد تزوج ثلاث مرات سابقاً، الأولى كانت من لبنى بيومي وهي أم أبنائه، والثانية هي الفنانة ريم البارودي، والثالثة النجمة سمية الخشاب، وبعد إنفصالهما، إرتبط وتزوج من علياء بسيوني.
