كتبت:نورهان أحمد
تحدثت الفنانة أنغام عن أصعب اللحظات التي مرت عليها في حياتها وهي وفاة شقيقتها الصغرى ”غنوة”، وقالت: “الموقف كان قاسي جدا، وماكنتش عايزة أصدق خالص لحد ما أنا غسلتها بإيدي وكنت عايزة أصحيها”.
وتابعت خلال تصريحات إعلامية: “على الرغم من إننا مكناش على علاقة كويسة ببعض، بس مكنتش أتخيل دا يحصل، مش بحب أدافع عن نفسي، ومش بحب اتكلم عن حد مش موجود، بس اللي أقدر أقوله بمنتهى الأمانة، عمري ما كنت سبب إني غنوة تزعل مني، أو يحصل بينا المشكلة”.
وتحدثت عن الخلاف بينهم: “دي كانت بنتي مش أختي، الفرق بينا أكثر من 16 سنة، لو عمرها طال شوية كان ممكن الأمور تتغير، وممكن كانت عذرتني ولكن ربنا أراد كدا، هي معرفتش تعذرني وهي كمان معذورة الله يرحمها، لأنها ملقتش اللي يحنن قلبها”.
ووجهت رسالة إلى شقيقتها غنوة، قائلة: “وحشتيني جدا، وحشتني غنوة بنتي الصغيرة، مش غنوة اللي كانت زعلانة وغضبانة، وحشتني البنوتة اللي كنت بسرح ليها شعرها وأخدها في حضني، وأقولها إن ياسين أحلى حاجة انت سبتيها ليا في الدنيا، ولد جميل وزكي وشاطر، وحبوب جدا”.
الجدير بالذكر أن أنغام أحيت مؤخرا حفلا كامل العدد بمدينة العلمين الجديدة، ضمن فعاليات مهرجان العلمين في دورته الأولى، وقدمت خلال الحفل مجموعة كبيرة من أغانيها وسط تفاعل عدد كبير من الجماهير.
