كتبت: نور مروان
تصدر الفنان محمد سلام محركات البحث جوجل، خلال الساعات الماضية، بعد إعلان انسحابه من المشاركة في مسرحية زواج اصطناعي.
وذلك تضامنا مع الشعب الفلسطيني، ومن المقرر عرضها في موسم الرياض بالمملكة العربية السعودية 30 أكتوبر المقبل.
وكان الفنان محمد سلام قد شارك فيديو يكشف فيه عن انسحابه من عرض مسرحيه زواج إصطناعي، وذلك عبر حسابه الرسمي على موقع تبادل الصور والفيديوهات انستجرام.
وقال محمد سلام في الفيديو: “السلام عليكم، إن شاء الله المفروض بكرة أعرض مسرحية “زواج اصطناعي” في الرياض، المفروض إن هي مسرحية كوميدية وفيها أغاني واستعراضات، والمفروض إن إحنا هنعرض يوم 30 ونعرض في وسط الأحداث اللي بتحصل في غزة”.
وتابع سلام: “أنا مش متخيل الصراحة إن هروح وأعمل مسرحية وأهزر وأغنية وأرقص وأخواتنا في فلسطين عمالين يتقتلوا ومفيش حاجة بتحصلهم وانا مش هقدر أسافر طبعا”.
وأضاف :”ليه بقول الكلام ده في آخر لحظة المفروض إن إحنا نسافر بكرا إن شاء الله، في الوقت اللي الناس فيه عمالة تموت ومفيش حاجة بتحصل”.
وأكمل سلام:” أنا إزاي هروح أعرض والناس بتحصلهم كده في فلسطين، سامحوني لو إحساسي مبالغ بس أنا حاسس لو عملت كده هبقا زي اللي بقتلهم بظبط إني خذلتهم مش عارف أعملهم حاجة كفاية علينا السكوت اللي إحنا في كلنا”.
وتابع قائلًا:”وكمان أنا مش هبقا ساكت بس ده أنابهزر وبرقص واللي بيحصل بيحصل في فلسطين وانا بعتذر جدًا إن أشارك في موسم الرياض”.
وأضاف سلام: “المشكلة إن اللي بيحصل في فلسطين ده قضية كل مسلم في المقام الأول، لذلك واجب علي كل المسلمين إن هما يساعدوا إخوانهم في غزة ويقدملهم أي مساعدة”.
واستكمل حديثه:”وأنا دلوقتي مفيش أي حاجة أقدر أعملها زي زي ناس كتير جدًا نفسنا نعمل حاجة ونساعد ومش قادرين نعملهم حاجة، ودلوقتي لو ربنا توفانا ونتسأل كلنا إنت ساعت أخوك المسلم في فلسطين عملتله ايه،اللي مقدرش يعمل حاجة هيسكت طبعا، وأنا هرد هقول ايه!؟”.
وتابع: “هقول إن الوقت اللي كان في أخواتنا الفلسطينين بيضربوا ويموتوا منهم الأطفال والنساء، أنا كنت بعمل مسرحية كوميدية بضحك الناس وبرقص وبغني، طبعًا لأ مش هقدر أعمل كده”.
وقال أيضًا:”وأنا كان عندي أمل المهرجان يتأجل أو يتلغي ولكن المهرجان مزال قائم مليش علاقة ليه مزال قائم مش هدخل فيها ولكن أنا مش هقدر أكون جزء من اللي بيحصل واقدر أشارك في المهرجان ده والمفروض إن إحنا منكتفيش بالدعاء لإخواتنا في فلسطين معرفش ايه اللي يحصل بس المفروض نعمل حاجة تانية”.
واختتم سلام حديثه: “الفيديو ده مش مقصود منه حاجة خالص غير إن أنا فعلًا في مشكلة أنا بقالي كتير جدًا مش عارف أسافر ولا أعمل إيه وامبارح كنت قاعد مع أصدقائي فنانين وفعلًا في ناس قالتلي أسافر ده مصدر رزقك وفعلًا التمثيل ده رزقي ورزق أولادي واللي بصرف عليه من البيت هو التمثيل وأنا لو مسافرتش هل هموت من الجوع أكيد لاء بس الناس هي اللي بتموت هناك في غزة، ولو حد هاجمني عن التمثيل وقال إن ده رسالة أنا معاك في ده وإن من أدخل البهجة علي قلب مؤمن له أجر طبعا ولكن السؤال مين اللي محتاجين إن ندخل البهجة على قلبه دلوقتي!؟”.
