نهى وجدي
أكدت الفنانة يسرا عن أن النظام في الإنتخابات رائع ورأيت كمية ناخبين في طوابير كبيرة قوى وأنا أرى أنه واجب وطنى وواجب علينا أننا نقف بجوار بلدنا كما نحن متعودين
وأضافت في مداخلة هاتفية مع قناة دى إم سى: المصرى طول عمره كده بيقف جنب بلده في وقت المحن وبيقف زى المارد
ومفيش حد بيقول للمصرى انزل هو اللى بينزل لوحده زى ما نزل في 30 يونيو وزى ما بينزل كل مرة ، يمكن علشان في نظام حاليا كل واحد بياخد وقته وانا سعدت جدا لما روحت بالأمس في اللجنة .
وتابعت: عارفة ناس راحت في مناطق زى السيدة زينب والحسين كانت مليانة ناس، وبقول للناس ده حق وطنى لماذا تتنازلون عنه وصوتك ممكن يغير كل حاجة وده حصل معانا في 2012 ومش عاوزين نكرره تانى.
حيث أن انتخابات الرئاسة 2024 هي خامس انتخابات رئاسية تعددية تشهدها البلاد فى تاريخها الحديث، وتكتسب انتخابات 2024 أهميتها الإضافية من كونها خطوة رئيسية فى مسار الدولة نحو التحول الديمقراطى والتعددية الحزبية والتنافسية السياسية، والتى أتت بعد عام ونصف العام من حوار وطنى جاد وغير مسبوق، شمل كل مكونات المجتمع المصرى السياسية والنقابية والأهلية.
ويذكر أن تضم قائمة المرشحين في إنتخابات الرئاسة كلا من: المرشح الرئاسي عبد الفتاح السيسى رمز النجمة
والمرشح الرئاسى فريد زهران رئيس الحزب المصرى الديمقراطى رمز الشمس، والمرشح الرئاسى عبد السند يمامة رئيس حزب الوفد رمز النخلة، والمرشح الرئاسى حازم عمر رمز السلم.
