تامر حسني يتصدر التريند بكليبات “موضوع رجوعنا” و”ولا يهمك”

كتب: أحمد الشورى

طرح النجم تامر حسني أمس على طريقة الفيديو كليب أغنيتين من ألبوم “هرمون السعادة” عبر قناته الرسمية بموقع الفيديوهات الشهير “يوتيوب” وهما “موضوع رجوعنا” و”ولا يهمك” وقد حققا نجاحًا كبيرًا

كليب”موضوع رجوعنا”:
شاركت في بطولتة الفنانة رانيا منصور وهو كلمات تامر حسين وألحان مدين وتوزيع وسام عبد المنعم وإخراج تامر حسني، وقد وصلت نسبة مشاهداته عبر موقع الفيديوهات الشهير “يوتيوب” نحو 230 ألف مشاهدة وأحتل التريند الثالث .

كلمات “موضوع رجوعنا”
بتلومنى ليه، على إنى عِشت وشُفت بعدك، طب ما أنت برضهُ مشيت وماعملتش بوعدك، بقى حلو ليك وبقيت عليا مِحرمهُ، هُما اللى حبوا بعد فُرقه أجرموا ؟، إحساسي كنت مموته وملجِمهُ، وحرمت نفسي من أحاسيس جه وقتها، مالناش حقوق على بعض مش خلصت بقى، ولا ليك تغيرِ على حاجه يوم أهملتها

، القلب صعب يلاقى راحته ولو لقىّ،
يفضل مِتبت ف الحياه ويحبها، مابقاش فى بينا ذكرى حُب نِخلده، موضوع رجوعنا مستحيل إستبعدهُ، ولا أخلى قلبى حد يوم يستعبده، ولا أخلي حد ف يوم ينزل دمعتى، بقى ليك حياتك ليك حبيب يستعجلك، دلوقتى تِلحق رد شوف بيرنلك، الوقفه دي مش حقنا وإعمِل حساب، عندي حبيب ب أحتِرمهُ حتى في الغياب.

كليب “ولا يهمك”
كما طرح تامر حسني كليب “ولا يهمك”
من كلمات وألحان وإخراج تامر حسني وتوزيع عبد الرحمن شوقي، وقد حققت الأغنية نجاحًا كبيرًا حيث وصلت نسبة مشاهدات الكليب عبر يوتيوب نحو 140 ألف مشاهدة وتحتل الآن التريند الثامن .

كلمات أغنية “ولا يهمك”
أعرف واحده حبت واحد، واديتله كل حياتها، وثقت فيه بقى هو الدنيا وسبب فرحتها، أعرف واحدة حبت واحد، واديتله كل حياتها، فجأه سابها باعها في ثانية،حب صاحبتها، ولا راعوا مشاعرها، ولا حتى عشرة زمان، دبحوا بدم بارد، لمجرد إدت أمان، كانت أقرب صاحبه ليها.. آه، وده رد الجميل، وهو متغيرش لا، ده اعتزل التمثيل، ولا يهمك أنا عارف إنك، صاحية نايمة قلبك حزين، حبيب ندل صاحبه

خاينه، ومكنتش النيه باينه من الإتنين، دول صدمتين، أحيانًا ناس بتبعد فجأه، علشان ناس تانيه ييجوا، ناس يبقوا شبهنا اكتر، مين عارف فين نصيبه، أحيانًا ناس بتبعد فجأه، علشان ناس تانيه ييجوا، ويا بخت اللي يعرف مين، عدوه ومين حبيبه، إوعي تفكري في رجوعك، ولا أيامكوا زمان، قرري تنسيه في ثانية، بقيتي بتنامي على دموعك، وهو خلاص بقى بينام، على صوت واحدة تانية، ولا يهمك أنا عارف إنك، صاحيه نايمه قلبك حزين، حبيب ندل صاحبه خاينه، ومكنتش النيه باينه من الإتنين، دول صدمتين.

ويذكر أن الفنان تامر حسني طرح مؤخرًا أحدث أعماله الغنائية، التي جاءت بعنوان «مش هتغير عشان حد»، عبر قناته الرسمية بموقع الفيديوهات الشهير «يوتيوب»
وحققت الأغنية نجاحًا ضخمًا، حيث تجاوزت 9 ملايين مشاهدة منذ طرحها عبر قناته الرسمية بموقع الفيديوهات الشهير «يوتيوب».

أغنية «مش هتغير عشان حد»، من كلمات وألحان الفنان تامر حسني ومن توزيع على فتح الله، وهي من ألبوم «هرمون السعادة».