كتبت: نسرين أشرف البلاسي
تستمر زوجة عصام صاصا في مساندته والدفاع عنه، حيث حرصت على كشف أقوال أحد شهود العيان، في واقعة دهس مغني المهرجانات أحد المواطنين على طريق الدائري.
وكشفت هذا من خلال ستوري بـ حسابها الخاص على انستجرام، في حين أن الشاهد هو مالك السيارة ماركة جيلي التي أكد صاصا في تحقيقاته أنها كانت بجانبه
مؤكده أن تصريحات الشاهد تؤكد أقوال صاصا في عدم رؤيته للضحية.
وجاءت تصريحاته كالتالي:” أنا صاحب العربية الجيلي اللي كانت جنب عصام، وأقسم بالله يا ابن الحلال ما خبطوا جنب الرصيف زي ما بيقولوا، خبطوا في الحارة التانية أو التالتة وكل فضل يقول إنها كانت الساعة 7 الصبح وفي النور”.
وتابع :”الكلام ده كان الساعة 5 وكسور في عز الضلمة، وأنا أصلا كنت مهدي علشان الرادار، وبعدها كنت نازل مريوطية، وكنت تالت حارة”.
وأضاف الشاهد قائلًا:” بقلب رعاش لقيت الراجل قدام يدوب حدفت شمال راح عداني، راح العربية اللي جمبي جت شالته الله يرحمه”.
واستكمل :”أقسم بالله ولا أعرف إنه عصام ولا حاجة، خبطه ونزل وممشيش عقبال ما وقف كنت أنا لميت يمين ونزلت أدور على الراجل لقيته جنب الرصيف”.
وتابع قائلًا:”وعصام صاصا جي بيجري عليا ومكنش في غير أنا وهو الزبونة اللي في العربية وقعدت تصوّت”.
شهادة سائق على حادث عصام صاصا
وزعم الشاهد قائلًا:” عصام جالي عمال يقولي والله ما قصدي أخبطه، قُلت له الراجل مات يا أخويا وأنا وهوه واقفين مفيش أعصاب وجاتله حالة هيستيريا”.
وتابع الشاهد:”روحت جبت الفرش من عربيتي روحت مغطيه وأقسم بالله ما في راجل شاف منظر الراجل ولا حتى لما الإسعاف جات، علشان هما شالوه بالفرش على طول”.
واختتم الشاهد قائلًا:”وأقسم بالله أنا ما بنام بسبب الحوار ده والتفكير ومش علشان عصام بس قسما بالله لولا ربنا سترها معايا أنا كنت هكون مكانه”.
