لا واللة ما خلصت بصورة.. بهذه العبارة ردت سمر أنور طبيبة مستشفى المراغة المركزي وصاحبة واقعة التعنيف من محافظ سوهاج، على ما جرى خلال الساعات الماضية بعد تداول الواقعة وصورتها مع المحافظ.
وكتبت الطبيبة في منشور لها عبر موقع التواصل الإجتماعي “فيسبوك” : “خلصت بمعية الله ودعم الناس وإن حقي وصل صداه للدنيا كلها، جوه مصر وبرة مصر وخلت العالم كله يأخد باله من أي تصرف تجاه أي موظف وخاصة الطاقم الطبي وخاصة الأطباء”.
وأوضحت الطبيبة: لا والله ما خلصت بصورة لكن خلصت بإعتذار رسمي من رئيس مجلس الوزراء الدكتور مصطفى مدبولي، وإعتذار ومكالمة هاتفية ولقاء مع وزير الصحة الدكتور خالد عبد الغفار، وإعتذار رسمي ومداخلة تليفونية مع اللواء عبد الفتاح سراج، محافظ سوهاج، وده كله في صالح كل طبيب بإذن الله.
وأكدت الطبيبة: “أن ما حدث من رد فعل يأتي في صالح كل طبيب، مضيفة: مفيش حاجة خلصت بصورة، كل حاجة خلصت في يوم لكن عدى علينا كأنه سنين، مفيش حاجة كانت سهلة زي ما سوء الظن سهل، لكن موعدنا مش الدنيا، موعدنا مع رب العالمين، وزي ما بيقولوا اللي على البر عوام” .
واختتمت :”حقيقي بشكر كل حد ساندني ووقف معايا ولو بكلمة، وحقيقي ممتنة لكم حد السماء، بقرأ تعليقاتكم ورسائلكم ومبسوطة وبدعيلكم ربنا يجبر خواطركم وينجيكم من أي محنة، شكرا لحضراتكم ورزقكم اللة الفردوس الأعلى من الجنة”.
