روج النجم رامي جمال، لحفله الغنائي الجديد والذي سوف يقيمه في العلمين الجديدة، يوم 2 أغسطس 2024، حيث نشر صورة له على أنغام أغنية ” بيكلموني”، وذلك عبر حسابه الرسمي على موقع تبادل الصور والڨيديوهات “إنستجرام”،
وكتب المطرب رامي جمال، مُعلقًا :” السنة دي نزلت أغاني سينجل كتير واليوم بداية من لحظة بعادك وجيت متأخر وبعده فارق وابن إمبارح، و بيكلموني، وانت مين وشاهد الله وبضيع وقت”.
وتابع :” وهنسى أسمك وبقول واكدب وغيرهم وأخرهم برد ببرود، بحاول اجتهد وبحاول أكون موجود، طول الوقت بأغاني تليق بيكم، ان شاء الله نغنيهم كلهم في حفلة العلمين 2/8، “.
واختتم :” ونغني أغاني من أول ألبوم لحد لما نوصل، لأخر غنوة
اي أكتر اغنية عجبتكم السنة دي َوبجهز لكم اغنية كمان ونتقابل في الشتا ان شاء الله “.
وفي سياق آخر طرح النجم رامي جمال، أغنية” برود ببرود “، والتي طرحها عبر قناته الرسمية على موقع الڨيديوهات الشهير ” يوتيوب “، وطرحها منذ 3 أيام، وهي من كلمات أحمد العزب، ألحان محمود أنور، توزيع محمد ياسر.
وإليمم كلمات أغنية” برود ببرود “:
” برود ببرود عليا بإيه
أكون جنبك ومش موجود
ماعنديش خلق أو مجهود
دي ماتت والكلام خلصان
يا ريت ماتجيش يا سيدي
احسبها وكإنك ماتعرفنيش
صراحة بقيت ماتلزمنيش
ولا لازمني اللي بينا زمان
قويت ومشيت
ماوقفتش حياتي عليك
ولا استنيت ده أنا
استعوضت ربنا فيك
أنا أجمل حاجة تحصلك
برغم إني مازيدتش بيك
ف مجنون مين موصلك
في يوم هضعف واضيع بعديك
طريق بنهيه مفارقك قلبي
بكره هتيجي تبكي عليه
ماتلجألوش ولو فيك إيه
وممنوع يبقى بينا سلام
شبعت عتاب وليه استنى
صدق وعود من الكداب
بلاها ولسه بينا حساب
راجعلي أكيد مع الأيام
قويت ومشيت
ماوقفتش حياتي عليك
ولا استنيت ده أنا
استعوضت ربنا فيك
أنا أجمل حاجة تحصلك
برغم إني مازيدتش بيك
ف مجنون مين موصلك
في يوم هضعف واضيع بعديك”.
كما طرح النجم رامي جمال، أغنية ” يا دمعي”، وذلك عبر موقع الڨيديوهات الشهير ” يوتيوب”، والتي كانت بالتعاون مع الشاعر مصطفى حسن، ألحان مصطفى العسال توزيع أماديو، ڨيرال ويڨ، وإنتاج أر چي برودكشن.
والأغنية جاءت بتصميم مختلف وذلك من خلال الإستعانه بشخصيات صعيدية كرتونية.
وإليكم كلمات أغنية” يا دمعي” :
“ويا مخي مين لففك ويا وجعي ازاي اخففك.
ويا دمعي يا دمعي يا دمعي يا دمعي.
نفسي في فرحة تنشفك.
يا أصحابي طلعتوا عيرة
ملكوش غير سيرتي سيرة
غلاوتكوا راحت غلاوتكوا من بعد ما كانت كبيرة.
رشوا في سكتي خناجرهم
وأنا مأمنتش غيرهم
وروني كتير من شرهم.
ومدوقتش حاجة من خيرهم
ومدوقتش حاجة من خيرهم
ويا دمعي يا دمعي يا دمعي يا دمعي
نفسي في فرحة تنشفك
روحتلهم ردوا بابهم
يحرم على قلبي عتابهم
مش مديهم حب تاني هما خلاص خدوا منابهم
بره من قلبي اتطردوا لو يستاهلوا كانوا قعدوا
الظاهر ان الناس الحلوة خلصوا خلاص بقى وانقرضوا
خلصوا خلاص بقى وانقرضوا
ويا مخي مين لففك ويا وجعي ازاي اخففك.
ويا دمعي يا دمعي يا دمعي يا دمعي.
نفسي في فرحة تنشفك.
واللي سكنتوا مساكني من نقطة ضعفي مسكني.
بطلت الطيبة بطلتها ومفيش حاجة هتحركني.
عززته سقاني من ذله صدمتني ابيار غله.
قدمت الأسبوع كله
ويا مخي مين لففك ويا وجعي ازاي اخففك.
ويا دمعي يا دمعي يا دمعي يا دمعي.
نفسي في فرحة تنشفك”.
كما احتفل النجم رامي جمال، مؤخرًا بنجاح أغنيته الجديدة ” بيكلموني”، وهي من ألبوم ” خليني أشوفك”، الألبوم الذي ضم 15 أغنية، هم : أغنية ” خليني اشوفك”، أغنية ” بقول وأكدب”، أغنية ” بضيع وقت”، أغنية ” فستانك أبيض”، أغنية ” شاهد الله”، أغنية ” أوقات “، أغنية” قلبي خام”، أغنية ” عادي أنساك”، أغنية ” أنت مين”، أغنية ” اهو”، أغنية” سوء تفاهم”، أغنية ” قولي أه”، أغنية ” ذكريات هوانا”، أغنية ” بيكلمني “، وأغنية ” هنسى أسمك “.
وتصدرت أغنية ” بيكلموني”، المركز الثاني في قائمة تريند موقع الڨيديوهات الشهير ” يوتيوب”، وترند رقم 1 في مصر والسعودية والكويت، وتخطت حاجز 657,587 ألف مشاهدة، من وقت طرحها وحتى الآن.
أغنية “بيكلموني”، من كلمات مودي نبيل، ألحان فارس فهمي، وتوزيع وسام عبد المنعم.
