كتب: بهاء الدين محمد
قرر مغني المهرجانات عصام صاصا كسر صمته والتحدث عن أزمته الأخيرة، حيث روى تفاصيل حادث دهسه لرجل أثناء سيره على الطريق.
ووجه صاصا رسالة لجمهوره عبر فيديو جديد نشره على حسابه موقع التواصل الاجتماعي “فيسبوك” من دبي، تحدث فيه عن حادث دهس شاب على الطريق الدائري.
وقال عصام صاصا: “أنا دلوقتي نازل بلدي وممكن يكون الفيديو دا آخر فيديو تشوفوه ممكن أتاخد في المطار، أنا عايز أفهم الناس إيه اللي حصل معايا بالظبط وإيه اللي أنا فيه لأن الناس مش فاهمة حاجة وبتدخل تقول كلام محصلش”.
وتابع حديثه عن يوم الحادث قائلا: “أنا كنت راجع من شغلي، وأقسم بالله كنت رايح أجيب ابني عشان أعمل له عقيقة وأفرح بيه. وأنا راجع على الطريق الدائري عند بنزينة في طلعة أكتوبر كنت ماشي في طريقي العادي. الله يرحم الراجل اللي توفى ويحسن إليه، أنا ما خبطتوش من الرصيف زي ما الناس بتقول، الخبطة كانت على الشمال مش اليمين، وفي راجل ربنا بعته لي ما يعرفنيش ولا أعرفه قال نفس الكلام اللي أنا بقوله. ربنا يعلم أنا كنت حاسس بإيه وقتها وعملت إيه عشان الناس دي”.
وأكمل: “الناس بتقول إني بدوس على الناس بفلوسي أو إني بمشي أخبط الناس. أنا واحد والدي توفى وأنا عندي سنة وعشت حياتي كلها مع أمي وأخويا وشفنا كل مراحل الفقر. ربنا كرمني من سنتين تلاتة فأكيد مش هستخدم الفلوس دي عشان أضر الناس أو أكون زي ما بتقولوا”.
وأضاف: “أنا مكنتش عاوز أرد وسايب الناس تتكلم، لكن دلوقتي ممكن أختفي ومتشوفونيش تاني. الكلام ده جاب لي قضايا تانية وأنا غلبان. أنا محتاج دعمكم وكل اللي بيحبني يدعي لي. عمري ما هكون الشخص اللي يدوس على الناس بفلوسه، لإني شفت حاجات كتير تخلي الواحد ما يبقاش كده. أنا راضي بقضاء ربنا وواثق في القضاء المصري، وأي حكم هيطلع أنا واثق إنه مش هيظلم حد”.
https://www.facebook.com/share/r/oB6KewEaAYyUSQvR/?mibextid=N9fs7i
وألقت السلطات الأمنية في دولة الإمارات بالتنسيق مع الإنتربول المصري القبض على مغني المهرجانات عصام صاصا.
