كشفت الفنانة الشابة مارتينا عادل عن كواليس التحضيرات لشخصية أحلام في مسلسل “عمر أفندي”، وكيف استقبلت ردود الأفعال على الدور.
وقالت مارتينا: “أنا فجأة لقيت بين كل كومنت وكومنت، في كومنت في النص بيقول دي حاجه سبعتاشر أوي، فعايزة أقولك الحمد لله، وطبعا اتخضيت ومكنتش مستوعبه فالأول، أنا تقريبا في يوم كده كنت بعمل بروفة مسرح أو حاجه زي كده نمت صحيت لقيت حاجات خيالية كده”.
وأضافت: “فطبعا معرفش ومكنش عندي رد فعل، بقول الحمد لله بس وبقول شكرا لكل بني آدم الموضوع لمسة وحبه، وشكرا لأي حد كتب كومنت حسسني إن أنا كنت خفيفة عليه ووجودي كان لطيف، فأنا اللي بقولهم شكرا يعني والله”.
وتابعت: “عايزة أقولك الناس كلها كانت بتتخانق معايا في عرض المسلسل وأنتي يعني إيه مش موافقة على ابننا، ده أحنا ابننا حلو أوي، ده أحنا ابننا دياسطي ده مفيش حد زيه، وليه تقولي لا أنتي لازم تتصرفي مع الحاج ده ولازم أبوكي يوافق، وكلام من ده كتير بقى .. وأنا عماله أقولهم يا جماعة أحنا بنهزر والله ده مسلسل وشكرا جدا يعني إنكوا مبسوطين بس مش لدرجة إنكوا بتتخانقوا معايا”.
واختتمت تصريحاتها: “فطبعا ده لو بيدل على حاجة فهو يدل إن الناس كانت مبسوطة ومتفاعلة مع الموضوع، فأكيد أنا كنت مبسوطة جدا حتى لو هما بيشتموني، بس بعد كده رجعوا قالوا لا معاه حق دياسطي ويا بختك يا دياسطي وبتاع، فقولت تمام خلاص سامحتهم”.
تفاصيل مسلسل عمرو أفندي
يذكر أن مسلسل عمر أفندي شارك في بطولته مجموعة من النجوم أبرزهم أحمد حاتم، رانيا يوسف، مصطفى أبو سريع، آيه سماحة، محمود حافظ، محمد رضوان، ميران عبد الوارث، أحمد سلطان وغيرهم، وهو من تأليف مصطفى حمدي وإخراج عبد الرحمن أبو غزالة.
https://www.facebook.com/share/v/WBtr86FjEaxwb8kY/?mibextid=oFDknk
