كتبت : آية يوسف
طرح الفنان و بطل العالم السابق للإسكواش رامي عاشور، أغنيته الجديدة والتى تحمل عنوان ” أتجوز مين !! “، وذلك عبر موقع الڤيديو الشهير “يوتيوب”، والمنصات الرقمية، ومحطات الراديو.
تفاصيل عن الأغنية :
تدور فكرة الأغنية فى إطار رومانسى بسيط، حول شاب يتقابل بالصدفة بفتاة جميلة، ويعرض عليها الزواج.. قرر رامى، أن يهدى هذه إلى الأغنية إلى زوجته ملك الشواربي، بعد إحتفاله أمس بالزواج فى حفل مقتصر على حضور العائلتين وأصدقاء العروسين المقربين، ومن المعروف أن رامى، وملك، أعلنا خطوبتهما فى نهاية أبريل العام الماضى.
كما عبر رامى، عن سعادته بالتعاون مع الموزع الموسيقى أيمن مسعود، ووجه الشكر إلى مصمم الأزياء ميسون جميل، الذى قام بتصميم إطلالته بصورة الغلاف.
والأغنية من كلمات وألحان رامى عاشور، وتوزيع موسيقى أيمن مسعود، وتوزيع شركة “ديجيتال ساوند”.
وإليكم كلمات أغنية ” أتجوز مين!! “:
“أنا أول يوم شفت عينها كان زحمه و ناس ياما حواليها
كان يومي اساسا مش ظابط ف غريبة إني أشوفها يوميها
سلمت عليها فصاحبتها ضحكت وقالت شوف حلاوتها
قلتلها أكيد واخد بالي طب نتجوز أصل أنا حبيتها.
اتجوز مين روحي روحي أنا روحي مش قدك لا
إيه ده راحة على فين بحبك يا ملاك دي ملك واحدة
واتجوز مين روحي روحي أنا روحي مش قدك لا
إيه ده راحة على فين بحبك يا ملاك دي ملك واحدة
فى زمننا الصعب د بقى عاده الناس عايزين بس زياده
كلنا شايفين روحنا دى كامله وده حتى ماجاش فى ولا عباده.
هنعيش و هنبنى ف احلامنا وهناخد بعض على عيوبنا
العمر هيفضل يسرقنا، وهتفضلى انتى فى عينى جنه
اتجوز مين روحي روحي أنا روحي مش قدك لا
إيه ده راحة على فين بحبك يا ملاك دي ملك واحدة
واتجوز مين روحي روحي أنا روحي مش قدك لا
إيه ده راحة على فين بحبك يا ملاك دي ملك واحدة
اتجوز مين إيه ده راحة على فين
اتجوز مين إيه ده راحة على فين
بحبك يا ملاك دي ملك واحدة
واتجوز مين روحي روحي أنا روحي مش قدك لا
إيه ده راحة على فين بحبك يا ملاك دي ملك واحدة”.
والجدير بالذكر نشر رامى، منذ أسبوع ڤيديو له عبر حسابه الرسمي على موقع تبادل الصور والڨيديوهات” إنستجرام “، وكتب رامي، مُعلقًا : “اتعصبت شويه … أهداء يا باشا حصل خير.. وطرح سؤالًا فى الڤيديو على متابعيه ومعجبيه مُعلقًا : “هو مفيش حد فى الكون يتكلم عن الجواز أو الإرتباط بشكل إيجابى؟ .. وأضاف: مه مش معقول التجارب كلها مش كويسه والناس كلها مش طايقة بعض؟!.. ومن ناحية أخرى تفاعل معه عدد كبير من متابعيه، فمنهم من علق بقوله:” الحمد الله التجارب موجودة لكن أصحابها فكرهم أعلى من نشرها على السوشيال ميديا والجو المزيف دا .. أبعد عن المحيط دا كله هتلاقي ناس حقيقية ووقتهم لأسرتهم مش للجمهور”.
وعلق آخر بقوله: “مستنيك يا صاحبي تشجعني”.
وعلق آخر بقوله: أحلى حاجة ف الجواز الطلاق”.
وعلق آخر بقوله: الجواز ده أعظم علاقه إنسانية خلقها ربنا على الأرض…تقدر فيها تعمل كل حاجه وتبقى أكتر واحد سعيد على وجه الأرض”.
