كتبت : آية يوسف
طرح المطرب الشاب عبد الرحمن رشدي، بمشاركة الفنانة هند عبد الحليم – فى أول تجربة غنائية جادة لها – أحدث ڤيديو كليب لأغنية بعنوان “صحاب الليل” عبر موقع الڨيديوهات الشهير “يوتيوب”، والمنصات الإلكترونية، ومحطات الراديو.
تفاصيل عن الأغنية :
تدور فكرة الأغنية فى إطار درامى بسيط، وتحكى عن عشاق السهر فى الليل، والتأمل فى سكونه وهمساته، والشكوى من الوحدة والتفكير فى الماضى.
تعاون لأول مره :
عبر الفنان عبد الرحمن رشدى، عن سعادته بمشاركة الفنانة هند عبد الحليم، فى غناء الأغنية، وكشف أنه التقى بها منذ عامين، وأعجب بصوتها جدًا، ونشأت بينهما صداقة قوية، واتفقا على تنفيذ أغنية تجمعهما، وأثناء التحضير لأغنية “صحاب الليل” مع الموزع الموسيقى ماهر الملاخ، عرض عبد الرحمن، عليه فكرة مشاركة صوت نسائى فيها، ورحب الملاخ بالفكرة، وبالفعل تم الإتصال بهند، وسمعت الأغنية فأعجبتها، وفى اليوم التالى تم التسجيل بالفعل، وبعد أيام شارك عبد الرحمن، وهند، فى تصوير الأغنية بأحد الإستوديوهات.
الأغنية من كلمات مصطفى ناصر، ألحان عبد الرحمن رشدى، توزيع موسيقى ماهر الملاخ، إخراج بيشوى يسى، ومن توزيع شركة “ديجيتال ساوند”.
وإليكم كلمات أغنية “صحاب الليل”:
“واهو كل يوم .. قلبي وحيد مش جايلو نوم
حبينا اكتر من اللزوم
واتسبنا فجأة في ليل شتاء .. والحزن أتقل من الهدوم
مفهاش جديد .. أقرب ما ليك عنك بعيد
مكتوب يا قلبي الخوف يزيد
بتعيش عشانهم وفى أخر هيعيشوا وإنت تعيش وحيد
كان فيه ياما ناس هنا حوالينا .. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني .. خوف يخلص يبدأ خوف تاني
عايشين بالقسمه
متاخدين في الدنيا غياب
كان فيه ياما ناس هنا حوالينا .. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني .. خوف يخلص يبدأ خوف تاني
عايشين بالقسمه
متاخدين في الدنيا غياب
وانا ليا مين .. غير ليل طويل بيفوت حزين
سهرانه وسط السهرانين
واهو كل يوم بنقول لروحنا بكره نبقى كويسين
وادي بكره فات
ومجاش وراه غير السكات .. تقلت علينا الذكريات
عايشين نفكر في القديم
واللي بنصبح فيه نبات
كان فيه ياما ناس هنا حوالينا .. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني .. خوف يخلص يبدأ خوف تاني
عايشين بالقسمه
متاخدين في الدنيا غياب”.
لسماع الأغنية إضغط هنا 👇🏻
https://youtu.be/mu-_JYLP-1w
