استضافت الإعلامية لميس الحديدي، الفنانة هنادي مهنا، في برنامجها “كلمة أخيرة”، التي يعرض عبر شاشة ON، للحديث عن أسباب إختفاء زوجها الفنان أحمد خالد صالح في الفترة الأخيرة، وتصدرت هنادي محركات بحث جوجل بسبب تلك التصريحات.
وأنتشرت شائعات كثيرة حول انفصالها عن أحمد خالد صالح، وعلقت على ذلك قائلة: “الموضوع مضحك وبيضحكني أوي، وقلت كويس آنهم مشغولين في الكلام وده، ومتخيلين أن بينا خلافات أحسن مايحسدونا، انا غيورة أوي على أحمد”.
و أضافت هنادي: “أكيد أنا زي كل البني آدمين بس مش بتخانق.. وهو بيغير عليا في حدود الطبيعي، وأحمد مش بيقولي ستو أنا، رغم إن الناس كلها بتقولي كده، وأحياناً اقوم بفتح موبايل أحمد ومفيش مجال للمنافسة بين راجل وست”.
وتابعت: “99 % من الصور على إنستجرام فلتر، وكلها مش حقيقية والشكل والرشاقة حاجة مش مهمة أبدا المهم ان البنى أدم يكون مبسوط بنفسه هو من جواه مش مهم رأى أي حد تانى وببقى راضية عن نفسى ومبسوطة لما بحس انى شكلى عاجبني”.
وأكملت هنادي: “فيه ناس مثلاً كانت بتقلي شكلك أحلى وانتي تخينه معنديش مشكلة ومحترمه رايهم بس مش هرجع تخينه عشانهم طالما مبسوطة بنفسي وأنا كده، في الاول كنت بتأثر بكلام الناس في الاول وأنا مليانه كانوا بيقلولي شبهك زي الجاموسة، وكنت بضايق وأنا بقرأ الكومنتات، وأقعد أعيط لكن إكتشفت أن الانسان ممكن يضايق لما يكون ثقته في نفسه مهزوزة ودي فترة عديت بيها وكأنت أي كلمة بتخبط”.
واختتمت حديثها: “لما الانسان بيكون مبسوط ومرتاح من جواه خلاص بتبقى حياته طاقة إيجابية ومهما كتبوا مافيش باب لتسلل الطاقة السلبية، و أما حبيت نفسي في المرايا فرحت وخسيت مكنتش بحب ألبس حاجة حلوة عشان الهدوم مش بتيجي مقاسي كنت بنزل مش مهتمة بنفسي لكن ثقتي رجعت وبقيت مرتاحه لما ببص لنفسي في المرايا “.
