شهدت مواقع التواصل الإجتماعي خلال الساعات القليلة الماضية قرار بشأن إسقاط القايمة في عقد الجواز، وعلى الفور قامت الفنانة سميرة عبد العزيز بالتعليق على تلك الجدل المثار في الساعات الأخيرة، بشأن قائمة المنقولات الزوجية، بأنها متفقة مع فكرة إلغاء القائمة.
حيث قالت سميرة في تصريحات صحفية لها: “أتفق مع فكرة إلغائها، فالزواج يعني مشاركة يشتركوا الأسرتين مع بعض في كل حاجة، طالما في توافق عاطفي بين البنت والولد، يبقى لازم يكون في توافق على البيت الجديد”.
وأضافت: “الجواز ده شراكة عمر، لما تبتدي بقايمة وورق يبقى فيها خيانة، لكن لما يبقى في اتفاق من الأول وتراضي يبقا في ود وثقة بين الأسرتين، لا قايمة وكلام فارغ، الأخلاق متسمحش لكتابة قايمة، والأهم إني أكون واثقة في الأسرة اللي بناسبهم، ويكون في بينا اتفاق وتراضي، وليس إجبار الزوج الإمضاء على قايمة”.
وأختتمت: “زوجت بنتي بدون قايمة، وشوفت مقدرة زوجها إيه وجبت الباقي، دي بنتي ودا بيت بنتي، فلازم أشارك فيه برضه، ومجبرش الزوج يجيب حاجات واكتب عليه وصل أو قايمة.. لو مش واثقة فيه من البداية يبقا الجوازة ملهاش لازمة”.
