كتبت :مريم عوض
ظهر الفنان “فتحي عبد الوهاب “من خلال برنامج ABtalk الذي يقدمه الإعلامي” أنس بوخش “، و كشف فتحي عبد الوهاب عن سبب حبه للفن قائلاً:صلاح عبد الله هو سبب حبي للفن وإني أفهم رسالته، وأنه بيرتقي بمشاعرنا وأفكارنا، لأنه أستاذ كبير وصديق عظيم والأكثر خبرة، وله تجارب عظيمة وفضله كبير فنيا عليا، ومكنتش مقتنع إني هكون فنان ولا كنت عايز أبقى محترف وهو شاف فيا الموهبة.
وتابع : الإنسان بتيجي عليه أوقات، بيكون متوقع شيء، ومش بيحصل، ولذلك بحاول أتقبل فكرة إن الحياة مش كويسة علطول، وإن فيه أوقات إحباط، وإن الإنسان بيتغير كل لحظة.
وأشار :شايف من عيوبي؛ التسرع والكسل، وإني بحكم على الأشياء من منظور عاطفي، وليس عقلاني، وإني مش متفائل؛ لأني فاهم إن الحياة ليست وردية، وشايف إن الحب لازم يكون بالعقل؛ لضمان الاستمرارية ولازم الطرفين يكونوا شبه بعض
وواصل : طفولتي كانت هادية ومكنتش طفل شقي لأني عايش طول الوقت مع ناس كبار بياخدوا قيلولة ما بعد الضهر، ومكنش ليا فرصة إني أكون شقي وأنا مؤمن أن الأبناء ليسوا ملكية خاص للآباء والأمهات.
وأوضح : العديد من الفنانين بيعانوا من الصورة النمطية عنهم في ذهن الجمهور، منهم وحش الشاشة فريد شوقي، والناس افتكرت أنه قوي وشرير في الحقيقية، ولكن اللي عرفته من بنته رانيا إنه أكثر شخص رقيق القلب.
وأختتم: الشهرة مش حاجة وحشة وهي مجرد ناتج وعرض جانبي من مهنتي، ومش الهدف والأمل الأساسي، والمشكلة اللي بنعاني منها هي الصورة النمطية للفنان في ذهن الجمهور، واللي غالبا مش حقيقية والجمهور فاكر إن الفنان ملهوش خصوصية، بس لا إحنا زينا زي الناس وعندنا مشاكل وبتضايق لما حد يقول على الفنان: “هو بيعمل إيه يعني” لأنهم مش مدركين أهمية الفن.
و الجدير بالذكر آخر أعمال فتحي عبد الوهاب مسلسل وعد إبليس يشارك في بطولة “وعد إبليس” إلى جانب عمرو يوسف وعائشة بن أحمد، كل من فتحي عبد الوهاب، ونيللي كريم، والنجمة الأمريكية بولا بالن، وأحمد مجدي، ويعقوب الفرحان
وعد إبليس” عبارة عن سلسلة تشويق نفسية مكوّنة من 6 أجزاء لمجموعة mbc ومنصة شاهد.
