كتبت :مريم عوض
حلت الفنانة” نهى العمروسي “ضيفة من خلال برنامج كلام الناس كما كشفت نهى العمروسي عن رغبة بنتها في دخول مجال الفن والتمثيل.
وأشارت :نازلي شخصية مستقلة، وأنا اتربيت على الحرية وأني أختار المهنة اللي أنا عاوزاها، وربيت بنتي كده وهي مش عاوزة تقرب من الوسط نهائي.
وأكدت : غلطت في تربية بنتي ومنها غلطات كبيرة ما كنتش قصداها، بالإضافة إلى أن الطريقة اللي قلت بيها إزاي بابها مات كانت غلط، وأنا مش ندمانة لكني بواجه نفسي وأشوف لو ظلمت أراجع نفسي وأعتذر وأطلب السماح،و تجربتي بالسجن كانت مهمة جدا واستفادت منها واتعرفت على ناس كتير كويسة مكنتش هقابلهم في الواقع وحصلي قصة ملهمة مع واحدة هتتعدم
وتابعت: بلغتها بوفاة والدها بطريقة عبيطة أو بطريقة الأم اللي معندهاش خبرة، وما كنتش قلت لها في الأول وبعدها بكام شهر كانت عندها أربع سنين، وكانت بتدور تحت الكنب على والدها فقلت لها طلع السما، قعدت تضحك ضحك السنين، وهذا شئ غير طبيعي أكيد مش مؤشر صح، فكان لازم أستشير دكتور نفساني لكن ما عملتش كده ومش عاوزة اقول لا مبالاة علشان ما أكونش يقسى على نفسي، لكن عرفت بعدها أن موته أثر فيها جامد وكانت بتدور عليه في كل حتة وقالت لي وهي عندها 9 سنين مش مصدقة أنه مات
وواصلت: إنها تعرضت للظلم في السجن وتم القبض عليها رغم أن تحليلها أثبتت أنها لم تكن تتعاطى المخدرات أو تشرب السجائر، قائلة: تعرضت للظلم في السجن، وأثبتو هناك في التحالين إني مش بتعاطى مخدرات ولا بشرب سجاير، لكن الظلم والألم بيعلموا كتير وبيدوا الواحد خبرة ووعي كبير.
وأختتمت :أنها جذبت أشياء كثيرة سلبية في حياتها بسبب الكلام السلبي، قائلة: ماحدش ظلمني أنا اللي جبت لنفسي مصايب سودة، وفي مرة كنت بهزر مع صاحبتي وقلت لها القبض على نهى العمروسي مع مجموعة شباب بعدها بشهر نفس المنشت ده اتكتبت في الجرايد.
