نادية الجندي لـ حبر سري :مفيش حد من النجمات قدر يهز عرش نادية الجندي
كتبت :مريم عوض
ظهرت النجمة“ نادية الجندي” مع الإعلامية“ أسما إبراهيم” من خلال برنامج حبر سري الذي يعرض على شاشة القاهرة والناس.
كشفت النجمة” نادية الجندي “ عن عشقها للفن قائلة ;الفن هو غذائي الروحي ومن غيره زي السمكة اللي بتطلع من المية.
وتابعت :“هعتزل يوم ما أحس أن الجمهور ابتدى يمل مني لكن طول ما أنا حاسة أن جمهوري بيحبني عمري ما هعتزل.”
وأشارت:” نجوميتي مضرتش ابني هشام.. رغم أن أبوه نجم كبير وأمه نجمة لكن هو بعيد عن الأضواء، وغادة عبد الرازق ممثلة مجتهدة جدًا وممثلة قوية جدًا لكنها اتظلمت في مسلسل الباطنية. “
وأوضحت :” الفن سلبني حريتي لأن فيه حاجات كتير أوي مستمتعتش و أنا مسيبتش عماد حمدي لأخر يوم في حياته أنا ومحمد مختار.. كنا بنروح نزوره ونخدمه لأنه أبو ابني. “
وأكدت :” في الجواز ببقى ست بيت وبنسى أني نجمة ومفيش قانون بيقول فيه سن معين للجواز.. أهم حاجة المواصفات ، ولا إستطاع أحد من النجمات قدر يهز عرش نادية الجندي. “
وواصلت :“أنا عيشت راهبة في محراب الفن وهو كان كل حياتي
و سمية الخشاب لازم تعيد حساباتها تاني وتعمل أدوار تعيد تاني نجوميتها.”
وأختتمت :“لو ارتبطت أنا هنكرها ليه.. دا حقي في الحياة زي أي إنسان في الدنيا، ومحمد مختار لولايا مكنش بقى منتج وحب صناعة السينما من خلالي،و لو رجع بيا الزمن كنت أتمنى أخلف أكتر من ولد.”
ومن الجدير بالذكر أن أخر أعمال النجمة نادية الجندي مسلسل “سكر زيادة
