نادية الجندي لـ حبر سري”أوافق أدخل عمل مع منى زكي لأن احساسها في التمثيل رهيب”
نادية الجندي لـ حبر سري”أوافق أدخل عمل مع منى زكي لأن احساسها في التمثيل رهيب”
كتبت :مريم عوض
إستطاعت نجمة الجماهير” نادية الجندي“أن تخطف الأنظار وتصدرها الترند في الوطن العربي من خلال ظهورها ببرنامج حبر سري مع الإعلامية ”
أسما إبراهيم “ووجهت نادية الجندي رسائل لبعض نجوم الفن، كانت أولهم شادية، فقالت: افتقداناكي
جدًا ومكانك محدش هيملاه.. عيشنا على أفلامك وأغانيكي الجميلة والفنان الحقيقي مبيموتش.
وعن شمس البارودي قالت: كانت بتربطني بيها صداقة وعلاقتنا كانت حلوة، واشتغلت معاها فيلم
اسمه فندق السعادة، وكانت جميلة جدًا وبقولها ربنا يديكي الصحة ويباركلك في جوزك حسن يوسف عشان هو فنان على خلق.
أما عن الفنانة نبيلة عبيد قالت: ربنا يديكي الصحة.
وتابعت :“أنا عاطفية ورومانسية وبثق في الناس لكن في الأخر ربنا بيكشفلي كل حاجة.”
وأضافت :“عندي حاسة سادسة قوية بتعرفني على طول هل الإنسان اللي قدامي صادق أم كاذب، لو اتخدعت في فترة ربنا بيديني انذار.”
وأوضحت :“اشتغلت مع سعاد في صغيرة على الحب ومسلسل تاريخي وكانت ساكنة في الشارع اللي ورايا وعلاقتنا كانت كويسة.”
وأشارت :” سمعت عن إشاعة تعمد أحمد زكي الإبتعاد عن الأعمال اللي بنزل فيها وجايز عشان
لما كنت بنزل أنا وعادل إمام دور العرض بتبقى محجوزة لينا. “
ووصلت :” أوافق أدخل عمل مع منى زكي لأن احساسها في التمثيل رهيب، منى زكي اختياراتها
حلوة ولعبة نيوتن بهرني، وبحب الفنان اللي بيغير جلده وأدائها كان عبقري، كريم عبد العزيز وكرارة ومحمد رمضان كلهم حبايبي ونجوم مجتهدة وليهم جماهيرية. “
وأستكملت :” أقرب حد ليا في الوسط الفني من الرجال محمود حميدة.. بحبه أوي وهو بيحبني أوي
و زينة وسمية الخشاب ومنة شلبي صحابي وياسمين عبد العزيز وهند صبري وليلى علوى ومعظم الفنانات من الجداد والقدام.”
وأكدت :” أنا اللي طلعت سمير صبري في أول بطوله مطلقة ليه في “بمبة كشر” و بشعر بالفنان
اللي بيملك موهبة وحجم توقعاتي له حسب مجهودة. “
وأختتمت :” مبيبقاش في فرصة لأي نجم تاني ينزل وفي السينما محدش يقدر يخدع الناس عشان الإيرادات اللي بتتكلم،
ولا أتقبل الكذب في شريك حياتي وعايزاه يكون راجل بكل مواصفات الرجولة.. الأمان والاحتواء والطيبة. “
