محمد نجاتي لـ برنامج بدون فلتر”دور الفنان أكثر أهميه من دور شيخ المسجد والأستاذ الجامعي”
محمد نجاتي لـ برنامج بدون فلتر”دور الفنان أكثر أهميه من دور شيخ المسجد والأستاذ الجامعي”
كتبت:نورسيد
حل الفنان محمد نجاتي، في مساء يوم الجمعه الماضيه ضيفًا في برنامج “بدون فلتر” والذي يتم عرضه على قناة الشمس.
وصرح من خلاله عن أهمية الدور المجتمعي الذي يقدمه الفنان، مؤكدًا أن دور الفنان أكثر أهمية من
دور شيخ المسجد، أو الأستاذ الجامعي في الجامعة، معلقًا، إنه يدخل للمنازل.
وقال نجاتي : أنا كل مرة بطلع في البرامج بقول إني مقصدتش إن مهمة الفنان أحسن من شيخ
المسجد، ولكن الفنان بيدخل البيت وبيعلم الأطفال أكتر من دكتور الجامعة اللي بيعلم مادة علمية
والشيخ اللي بيعلم مادة دينية، الفنان بيعلم الحياة وأسلوب الحياة، فمن هنا الفنان أخطر وبقى الفنان أهم.
وتابع محمد نجاتي: تريند مهمة الفنان أحسن أهم من شيخ المسجد، خلاني أعمل برامج وأطلع في
برامج لو كنت مقلتش التصريح ده دون أن أقصد وبعفوية، مكنتش عملتها، وساعتها كنت بتكلم على
مسلسل ضربة معلم، وكمية البرامج والصحفيين اللي كلموني كانت أكتر من نجاح المسلسل نفسه، وأنا اتخضيت، وفكرة التريند دلوقتي أهم من المسلسل.
واستكمل حديثة قائلًا: ولا مرة كنت أقصد أعمل تريند، وأنا متحمل التصريح لآخر يوم في عمري حتى لو سبت الشغلانة، وحتى لو أنا شيخ مسجد،
هقول إن الفنان أخطر، لأن مش ممكن الشيخ أو دكتور الجامعة يوجه الأجيال لـ حاجة مش كويسة، لكن الفنان ممكن جدًا يوجه لحاجة مش كويسة.
أكد محمد نجاتي: أن أكبر غلطة في حياته تعرض لها هي عدم تفكيره في تنفيذ مشروع معين خلال
حياته، قائلًا: كنت بشوف أنه مادام اللي معايا بيكفيني يبقى خلاص مش محتاج مشروع أو دخل زيادة.
