“أنت فعلًا تربية واحدة ست” والد حسام حبيب يفتح النار عليه بعد تصريحاتة مع عمرو أديب

“أنت فعلًا تربية واحدة ست” والد حسام حبيب يفتح النار عليه بعد تصريحاتة مع عمرو أديب

كتبت:شيماء يحيى

هاجم حسين حبيب نجله المطرب حسام حبيب  بعد تصريحاتة الأخيرة في برنامج الحكاية مع الإعلامي عمرو أديب حول أزمته مع النجمة شيرين عبد الوهاب.

حيث قام بنشر منشورًا له عبر حسابه الرسمي على موقع التواصل الاجتماعي فيسبوك قائلًا: “أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس على بياض”.

وتابع: “انت كده بتدي مبرر لأهلها ليحجروا عليها وبتطلعها إنها سفيهه وعبيطه، وأنا من معرفتي بها إنها واعيه ونصحه.. بتيجي تكحلها تعميها، إسأل ابوك يقولك تقول إيه”.

وأضاف أيضًا : “كنت عايزك تشتغل وتصرف على بيتك عشان تكبر في نظر مراتك وتحترمك.. أخدت مني مليون جنيه عشان تشطب فيلتك ومتعيش في بيت مراتك وقولت هردهملك”.

وتابع: “ومن ساعه ما أتطلقت وأنا بصرف عليك، ورايح تقول لعمرو أديب وتهاجمني لتاني مره انك ماتعرفنيش من 14سنه.. أه ما بتعرفنيش الإ للمصلحه وعشان تاخد فلوس”.

واختتم حديثة قائلًا: “قولت ما بتشتغلش عشان شيرين ومشاكلها كانت شغلاك بقالك سنه مطلقها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي على بيت مراتك يا اخي عرتنا”.

والجدير بالذكر تصريح الفنان حسام حبيب، طليق الفنانة شيرين عبد الوهاب، إن «كل المحيطين بشيرين كانوا بييجوا في أي وقت، وكل الناس كانوا قريبين منها، وأصدقاء كتير اتجمعوا حوليها، لدرجة إن أوضة نومنا أنا وهي كانت كأننا في محطة مصر».

وفي مداخلة هاتفية ببرنامج «الحكاية»، مع الإعلامي عمرو أديب على قناة إم بي سي مصر:أضاف «التسجيل المنتشر كان مكالمة خاصة جدا بيني وبين صديق وكنت وقتها متخانق مع شيرين، وأنا كمان بكتشف الناس اللى حوليا زي ما شيرين بتكتشف الناس اللي حوليها».

وسرد الفنان حسام حبيب أزمته مع شيرين عبد الوهاب، وقال خلال مداخلة هاتفية مع الإعلامي عمرو أديب إن أهلها هم السبب في إنهم يوصلوها للحالة دي والصلح المرة دي كان صلح مبني على الصداقة فقط.