كتبت : شيماء يحيى
بعد تصريحات والد حسام حبيب وإنتقاده لنجله بأنه تربية ست،ظهر محمود سعد فى مقطع فيديو
قام بنشره عبر صفحته الرسمية بموقع التواصل الإجتماعي فيسبوك معلقًا فيه
على تصريحات الأخير: “لابد على والد حسام حبيب أن يعتذر عن جملة تربية واحدة ست، التي أراد بها إهانة ابنه ،
فإذا كان هناك مشاكل بينهم ، فهذا الأمر يخصهم ، ولكن هذة الجملة لاتصح ، فالستات بتعرف تربي” .
وتابع: “تربية واحدة ست ، فالستات تربي العيال بسبب ظلم وقهر وقلة أدب الرجالة تجاة الستات،
الست لما تربي إبنها مش بتكون رمت الأب من البلكونة ، ولكن بيكون علشان ساب البيت وراح أتجوز واحدة ثانية “.
وأضاف محمود سعد: “أنا أجمل الأشياء التي حدثت فى حياتي أنني تربية واحدة ست،
عرفت من خلالها الجدعنة ، وكان الشارع كله يحترمها ، وأقول لوالد حسام حبيب عيب كده وإعتذر للستات”.
والجدير بالذكر مانشره والد حسام حبيب عبر حسابه الرسمي على موقع التواصل الإجتماعي
فيسبوك: “أنت بتقول لما رجعت ليها العربيه واحد بيشتغل معاها أخد العربية اللي بخمسه مليون وقالها هابقى أديكي بيها شغل،
وواحد محاسب تعرفه قريب شكالها حاله اعطت له 100 الف دولار وخلع، وأنها بتكتب شيكات للناس على بياض”.
وتابع: “أنت كده بتدي مبرر لأهلها ليحجروا عليها وبتطلعها أنها سفيهة وعبيطة،
وأنا من معرفتي بها أنها واعية وناصحة.. بتيجي تكحلها تعميها، اسأل أبوك يقولك تقول ايه”.
وأضاف: “كنت عايزك تشتغل وتصرف على بيتك عشان تكبر في نظر مراتك وتحترمك..
أخدت مني مليون جنيه عشان تشطب فيلتك وما تعيشش في بيت مراتك وقولت هردهملك”.
وأردف: ومن ساعه ما اتطلقت وأنا بصرف عليك، ورايح تقول لعمرو أديب
وتهاجمني لتاني مرة إنك ماتعرفنيش من 14سنة.. اه ما بتعرفنيش الإ للمصلحة وعشان تاخد فلوس”.
وقد إختتم حديثه قائلًا: “قولت ما بتشتغلش عشان شيرين ومشاكلها كانت شغلاك بقالك سنة مطلقها ما أشتغلتش ليه،
بطل حجج وخليك راجل إنت فعلًا مش تربيتي إنت تربية واحده ست.. طلعت من بيت مامي على بيت مراتك يا أخي عرتنا”.
