ياسمين عز تعلق على خبر إيقاف برنامجها “كلام الناس” وتوجه رسالة لـ كريستيانو رونالدو

كتبت:مي شاهين 

ردت الإعلامية ياسمين عز على خبر إيقاف برنامجها “كلام الناس” الذي يعُرض على قناة أم بي سي مصر، حيث قالت :”اللي بيقف في صف الرجالة بيروح جنة الأرض والسما، وقولت لكم لما تبقوا عايزين تتسلوا نتسلى مع بعض، وبرنامجي موجود وعلى الهواء مباشرة إلا بقى لو مش قادرين على غيابي ممكن أطلع لكم طول الأسبوع”.

كما وجهت بعض النصائح للاعب كرة القدم كريستيانو رونالدو قائله:”أنا بدعو لستر البنت وبالجواز والدلع مش الطلاق، عايزني أقوله خليك ماشي معاها سداح مداح!، بقول له مفيش أجمل من الحلال والستر وربنا عمره ما هيكرمك من غير جواز، شوف ميسي لما أتجوز ربنا كرمه ووصل للنهائي، وربنا يهدي جورجينا أم العيال ويصلح الحال”. 

وتابعت :”رونالدو مش عايز يتجوز جورجينا عشان متاخدش نص فلوسه لو اتطلقت وكمان أمه مش راضية، شوفوا رضا الأم دا أهم حاجة، وميقدرش يكسر كلام أمه ولا يقولها غصب عنك هتجوزها، وكلامي دعوة للستر ومش فاهمة الناس معترضين ليه على كلامي؟”. 

وأضافت :” الناس بتقول رونالدو عنده 37 سنة وعجز وهيعتزل، عجز إيه اعقلوا الكلام؟ مفيش راجل بيعجز يا حبيبتي معروفة، وكل سن وله حلاوته والراجل تلاقيه 70 سنة ومش باين عليه هو ربنا خلقه كدا جيناته قوية”.