ياسمين عز توجه رسالة للزوجات:”الراجل بيمشي قدامك بـ50 متر عشان يأمنلك الطريق.. ده الفرعون بتاعك”
كتبت :مريم عوض
كالعادة تثير الإعلامية ياسمين عز الجدل حول نصائحها وإنحيازها للرجال كعادتها خلال برنامج “كلام الناس”، المذاع على قناة mbc مصر، مشيرة إلى أن النساء دائما تظلم الرجل.
كما كشفت ياسمين عز في البداية عن نجاح نصيحتها بشأن وضع ألقاب لزوجها أثناء ندائه، فقالت: الستات عجبهم إلاقتراح وبدأو في تنفيذه فوراً وواثقة إن الأيام الجاية هينتشر الموضوع وكله هيقول أستاذ، ودكتور وكل الألقاب.
وأشارت:“هناك بعض الأشخاص كانوا معترضين على الفكرة… الإحترام والتقدير وحش أما أنتي تقوليله يا أستاذ وهو يقولك يا هانم ده نوع من الوقار والإحترام ، زمان كانوا ماشين كده، ولا يوجد نسب طلاق مرتفعة”.
وتابعت :“ محمد الكبير جدي كان راجل معمر بسب جدتي كان فضله سنتين ويكمل قرن، لو قولتلكم كانت بتقوله ايه هتموتوا مني كان عنده سرير زي حريم السلطان وكانت بتقعد تهويله” .
وواصلت: “ أول ما زوجك يقبض الفلوس أو المرتب أو الجمعية تقوليله عايزة أعمل شعري بروتين، كلنا عايشين بالأناناسة والبروتين بيضر صحتك وصحة جوزك إعمليله صنية بط بالبرتقال ، لا أحد يستخدم بروتين لأنها مضرة جدتنا كانت بتتصور جمب التليفزيون الملون” .
وتابعت قائلة :“في موضوع منتشر إن الراجل يسير من أمام زوجته هو مش بيعمل كدة لكي يمشي معاكي أو جنبه أو تسمعيه في التليفون هتفضلي لحد إمتى ظالمة الراجل”.
وأختتمت: “هو بيعمل الحركة دي من روح الفرعون اللي جواه بيعيشك في مواكب الفراعنة وأنتي الملكة، ماشي قدامك لكي يأمنلك الطريق.. يمكن يكون فيه حفرة أو حد هيعاكسك ، إفترضي دايمًا حسن النية مع الفرعون جوزك هو نازل معاكي يوم إجازته لكي يفرحك، ولا بد أن تكوني صدرك رحب وأنتي اقفي براحتك عن المحلات” .
