كتبت: هايدي هشام
تفاجأ جمهور ومتابعي الفنانة كارولين عزمي بنشرها لمجموعة من الصور والفيديوهات عبر حسابها الشخصي على موقع تداول الصور والفيديوهات “إنستجرام”، حيث نشرت عبر خاصية الأستوري، تستنجد وتستنكر تصرف شاب معها أثناء سيرها على الطريق العام.
لتبدأ “كارولين”، كلامها، قائلة: “مساء الخير أنا إللي يعرفني أو متابعني عارف إنی شخص مالوش في المشاكل ولا عمري شارکت مشکلة تخصني سوشیال میدیا بإختصار النهاردة كنت في عربيتي و جنبي عربية فيها واحد كسر عليا كل إللي عملته إني بصتله و بصيت قدامي فـ لقيته بيكرر نفس الحركة تاني بإستظراف روحت طلعت الموبايل وعملت نفسي بصور عشان اخوفه واخليه يبطل يضايقنى إتفاجئت وهو بيقولي بتصوريني يا بنت المت ** ساعتها إتخضیت و بدأت أصور بجد و انتوا هتشوفوا في الفيديو الحركات إللي بي أيدو و الشتايم، و بدء يقولي تعالي ورايا والحقيقة إني مش عارفة أروح وراه فين أو كان عايز يعمل ايه”.
لتكمل حديثها، “ولأنی أتوترت وخوفت ساعتها مقدرش أصور ۱ ٪ من إللي عمله الشخص ده أنا إتشمت واتهنت واتشمت بأهلي بأقذر الشتايم النهاردة من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبًا متعود على الحركات دي ومتعود يخوفهم ومش همه حتى إنه يتصور و يتفضح أنا عايزة حقي يرجعلي”.
وتضامن معها كثير من متابعيها والنجوم، وانهالت عليها التعليقات، منها “روحي بلغي عنه، رقم عربيته وشكله واضحين لازم يتحاسب”.
https://www.instagram.com/p/CZKhx4-ouQY/?utm_medium=copy_link
