كتبت : مي شاهين
ردت إدارة مطعم كرم الشام، على الأخبار المنتشرة حول وجود لحوم فاسدة في المطعم عبر صفحتها على موقع التواصل الاجتماعي الشهير” فيس بوك “.
حيث قالوا:” بسم الله الرحمن الرحيم.. للأسف احنا بنتعرض لحملة ابتزاز كبيرة جداً من مجموعة من صفحات السوشيال ميديا الإخبارية ومساومة بصور مفبركة مالهاش اي علاقة بكرم الشام وحد لابس نفس لون الملابس بتاعتنا وبنتهدد صراحة يا اما ندفع مبالغ مالية يا اما الصور دي تنتشر استغلالاً لقوة السوشيال ميديا وتأثير الصفحات دي من ناس معدومة الضمير مش شايفة ولا مقدرة ان في اكتر من ٢٠٠٠ رب اسرة بيشتغلوا في المطعم ده”.
وتابعوا:” ومن هنا ادارة كرم الشام بتستغيث بكل الهيئات المعنية في الدولة المصرية للحد من حملة الابتزاز دي وعندنا كل الادلة من رسائل وتسجيلات تليفونية تثبت ان الصور دي مالهاش علاقة بينا وتثبت وقائع طلب الرشوة والمبالغ المادية والتهديدات وعلي استعداد لتقديم كل الامساندات والتسجيلات لاثبات صحة موقفنا”.
وأضافو:” واخيراً حابين نوجه رسالة لكل الاشخاص اللي حاوت تبتزنا الرزق بتاع ربنا لوحده.. واحنا لو مش بنراعي ربنا في شغلنا عمرنا ما هنبادر بنشر الصور دي غير لأننا متأكدين ١٠٠٪ والحمد لله من صحة موقفنا”.
واختتموا المنشور قائلين:” واخيراً اي حد يقدر يساعد انه الرسالة دي توصل للجهات الامنية والمعنية بالأمور دي ياريت يساعدنا.. وحسبنا الله ونعم الوكيل شكراً أسرة كرم الشام”.
