كتبت:مي شاهين
أعلن الفنان تامر حسني، إستئناف تصوير فيلمه الجديد تاج، وذلك بعد أزمته الأخيرة.
حيث نشر عبر صفحته على موقع التواصل الاجتماعي الشهير “فيس بوك”، صورة تجمعه بالمخرجة سارة وفيق.
وعلق قائلاً :”مع المخرجة الجميلة سارة وفيق رجعنا امبارح نستكمل تصوير فيلم تاج فيلم صعب اوي بشكل مش طبيعي بس ان شاء الله المصريين قدها و هشرحلكم قريب في بوست تاني حاجه مهمه اوي و ليه بقول كده”.
يذكر أن الفنان أحمد التهامي نشر بوست يتهم فيه صناع الفيلم بسرقة فكرته حيث قال:” أنا سكت كتير عن حقي عشان ما زعلش حد مني، اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمدلله على حب الناس”.
وتابع:”الدنيا مستورة والحمدلله.. إنما توصل إن مشروعي.. مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجيي يوم وأعمله يتسرق مني، ويعمله حد تاني بغض النظر ده فيلمي ومشروعي، وأنا أول واحد من 10 سنين فكرت في فكرة البطل الخارق”.
وأضاف:” وطول الفتره دي كان يتسرق أجزاء من الفيلم وأقول عادي.. إنما (التوأم الخارق) ده بتاعي ومسجله في المصنفات والشهر العقاري.. تامر حسني صاحبي وأخويا وأكيد ما يعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل لتامر حسني ومعرفتش”.
يذكر أن فيلم تاج من بطولةبطولة تامر حسني، بيومي فؤاد، وساندي، وتواصل الشركة المنتجة التعاقد مع باقي الأبطال المشاركين في العمل، والعمل من تأليف تامر حسني، وإخراج سارة وفيق، ويجسد تامر حسني في فيلم «تاج» شخصيتين لأخوين توأمين هما تاج وهارون، وتدور الأحداث في إطار من الكوميديا والفانتازيا.
