كتبت:مي شاهين
نشر الفنان تامر حسني، عبر صفحته على موقع تبادل الصور والفيديوهات الشهير “إنستجرام”، فيديو له برفقة أبناؤه؛ وهو يتجه لصلاة الجمعة.
وعلق قائلاً :”الحاج آدم قرر النهارده من نفسه يجي معايا الجامع يصلي الجمعه بالجلابية..تقبل الله يا حاج آدم منك و من الحاجة تاليه والحاجة أمايا”.
يذكر أن وجه الفنان تامر حسني بعض النصائح لجمهوره وذلك بعد دراسته بعض العلوم عبر صفحته على موقع التواصل الاجتماعي الشهير “فيس بوك “.
حيث قال:”صباح الفل على أحلى ناس في الحقيقة أنا بقالي سنه مركز جدًا وبدرس بعض العلوم منها علم النفس وعلوم أخرى”.
وتابع:” المهم أنا عارف إن كتير منا جواهم عادة سيئة أو ذنب مواظب عليه أو طريقة حياة مضايقاه بشكل عام أو قرار مش عارف ياخده زي يبطل حاجة، يخس، يتخن، في النهاية إحنا هنقف قدام ( قرار صارم) خد قرار صارم حط حاجة مفيدة تشغلك وقتك متسيبش نفسك للفراغ ابدًا”.
وأضاف:”بقى عدد الأيام اللي الإنسان بيحتاجها للتغيير باستثناء إن في ناس بيقاوموا عادات لسنين عشان دا زي ما بقول إنه نسبي، العلم أثبت بالتجارب ان الناس اكيد بينهم تفاوت نسبي حسب ظروفهم، ومعيشتهم واللي اتعودوا عليه طول حياتهم، في ناس عشان تبطل شيء أو تواظب على شيء هتحتاج 18 يوما وفي ناس 66 يوما يعني لو أنت جيت عند اليوم الـ ١٨ لقيت نفسك لسه مش قادر، لازم تكمل عشان كده معناه أنك من الناس اللي هتحتاج الـ 66 يوما، ويعني مش هيضر لو حسيت أنك محتاج شوية وقت كمان كمل شويه كمان بس متضيعش مجهودك اللي فات يا بطل”.
وإستطرد قائلاً :” ساعتها هتبقى فخور بنفسك وروحك المعنوية في السما هتلاقي نفسك اقوى وتفكيرك اجمل بكتير فهتقدر تكمل وأنت مبسوط إن شاء الله يلا نبدأ حالًا على نهار ربنا الجميل”.
