كتبت:مي شاهين
تحدثت الفنانة يسرا من خلال مداخلة هاتفية في برنامج “الستات” عن كواليس مسلسلها “1000 حمد الله على السلامة”، والمقرر عرضه في رمضان 2023.
حيث قالت أنها صورت المسلسل بين محافظات الفيوم وبورسعيد ودمياط، وأعربت عن إنبهارها بمحافظات مصر والتطور الذي حدث لها.
حيث قالت:”عمري ما روحت دمياط ولم أتخيل جمالها بهذا الشكل، وما روحتش الفيوم من 2008 ولما روحت قلت يا نهار أبيض إيه التغيير ده إزاي ده حصل، وبقيت مش مصدقة لأني لما روحتها في 2008 خلال تصوير فيلم الراعي والنساء قعدت 3 أشهر، لكن اللي حصل فيها شيء جميل وبديع وكل حاجة في مصر بتطور للأحلى والأجمل، بجد محافظات مصر إختلفت بشكل غير عادي”.
وتحدثت عن كيفية قضاء يومها في رمضان :” في الأيام العادية لو مش عندي تصوير بقضي اليوم في البيت وسط العيلة ولما والدتي كانت عايشة هي اللي كانت لمانا كعيلة”.
ووجهت رسالة للمرأة قائلة:” بقول للمرأة خليكي قوية وأنت مولودة قوية وربنا خلقنا أقوياء، أحيانًا بنمر بفترات صعبة ولحظات ضعف ولكن مع وجود قوانين بتساعد الست أنها تكون موجودة في مجالات مختلفة”.
وتابعت:” لازم أي ست وامرأة تعرف قيمتها كأم وأخت وربة أسرة مهمة جدًا، وأنا بشكر الريادة إنها مهتمة بالمرأة وبتحبها وده بيغير قوانين لصالح المرأة وبتمنى أن المرأة ما تشعرش بالضعف والهواء”.
وأضافت :” الست اللي عندها مخ هتشوف الأفعال أهم من الكلمات، والست االلي محتاجة ودنها تتغذى بالكلمات بعد شوية من غير أفعال مش هيكون ليها قيمة”.
مسلسل 1000 حمد الله على السلامة من بطولة يسرا، شيماء سيف، آدم الشرقاوي، مايان السيد، عنبة، والعمل من تأليف محمد ذو الفقار وإخراج عمرو صلاح.
