نيللي كريم تكشف حقيقة خلافها مع المخرجة كاملة أبو ذكري .. وإمكانية دخول أولادها الفن

كتبت: تقى أحمد 

ردت نيللي كريم في “برنامج حبر سري”، التي تقدمه الإعلامية أسما إبراهيم، على حقيقة خلافها مع المخرجة كاملة أبو ذكري ،وعدم التعاون معها في مسلسل تحت السيطرة. 

حيث قالت:”مسلسل تحت السيطرة ،مكنش بتاع المخرجة كاملة خالص ، دة فكرة المخرج تامر محسن ومريم نعوم ، وشغالين عليها بقالهم سنين”. 

 وتابعت:”ومينفعش يكون في خلاف بيني وبين كاملة دي حبيبت قلبي ، وإشتغلنا مع بعض كتير أوي ، وعملنا أعمال ناجحة كتير زي ذات ،بـ 100 وش ، وسجن النسا، كاملة أكتر مخرجة إشتغلت معاها “. 

وتحدثت نيللي عن أولادها وإمكانية دخولهم الفن وهل تقبل هذا الشئ قائلة:” بالعكس لا أرفض إطلاقًا ، مقدرش أفرض عليهم حاجة ، ولكن لازم يكونو قد الحاجة اللي بيعملوها وقد المسؤلية ،ومقتنعين بيها وحبينها”. 

وأضافت:” مهنتنا صعبة جدًا ومش سهلة، لأن الناس بتاخد بس بالظاهر واللبس والمهرجانات اللي بنحضرها وريد كاربت ، دي صورة فقط ولقطة بتحصل كل سنة”. 

تابعت:” حقيقة المهنة مش وردية أوي كده، ولا سهلة أوي كدة، قد الحاجه اعملها ، نفسك فيها إعملها وجرب”.