نيللي كريم :”وفاة والدي كانت صدمة ومكنتش متوقعة موته.. أحمد عيد فنان موهوب “
كتبت : تقى أحمد
تحدثت الفنانة نيللي كريم خلال برنامج “حبر سري” التي تقدمه الإعلامية أسما إبراهيم عن كواليس مشاركتها مع الفنان أحمد عيد في مسلسل “عملة نادرة” .
حيث قالت :”أحمد عيد فنان جميل ورائع وملتزم جدا وموهوب وعامل دور رائع ومفاجأة لكل الناس دور مسعود في عملة نادرة.”
وتابعت:”وأنا بحبه جدًا وبحب أفلامه وأحمد عيد كواليسه حلوة اوي وشخصيته حلوة في الكواليس وجميلة ودايما بيكون موجود قبل ميعاده وهو فنان رائع جدا”.
وتحدثت عن وفاة والدها قائلة: “كنت عارفة أن والدي تعبان بس معرفش طبيعة مرضه، ومكنتش متوقعة يموت، وكنت فاكرة أنه عيان وهيتعالج ويرجع معانا البيت، ووجوده في حياتي كان مهم جدًا”.
وأضافت نيللي:” عديت بحاجات كتير في حياتي وكنت بعيط كتير أوي ودمعتي قريبة، وجه عليا وقت قولت مش هستسلم للحزن والاكتئاب ومبقتش أخد وقت في الزعل”.
وتابعت:” حسيت إني فشلت في علاقاتي وفي الطلاق بتكون البنت محتاجة أب في ضهرها ومعاها وإفتقدته جدًا، وده إحساس صعب جدًا للبنت” .
