كتبت : مادونا عادل عدلي
قام الفنان تامر مجدي بتوجيه الشكر لكل من كان معه في مسلسل ضرب نار حيث شكر مخرج العمل وكاست العمل وفنانين العمل ومتابعيه
حيث نشر الفنان عبر حسابه الشخصي على موقع التواصل الإجتماعي فيسبوك صورة له وكتب عليها
الحمدلله اولا علي نعمة النجاح والقبول أحب أشكر فريق عمل ضرب نار
الاستاذ تامر مرسي شركة سينرجي على دعمها ليا واقتناعهم بيا وبكل الشباب علي تقديم ادوار ذو أهمية وقيمة في أعمالها
وبشكر فريق عمل انتاج على توفيرهم لينا كل وسائل الراحة واحترامهم لينا كممثليين واخلاصهم في العمل وتحملهم اصعب الظروف بقيادة دينامو سينرجي استاذ محمود كمال ورجالته الجدعان استاذ المحترم سامح صادق والجدع عمرو الشال
بشكر الاستاذ المخرج مصطفى فكري على اسنادي دور عبيد وثقته فيا وتوجيهاته الي اتعلمت منها واستفدت كتير جدا كممثل وساعدني أنه يطلع بالشكل ده للناس وفريق عمل الاخراج استاذ ايمان شعبان وميسر وتقي وشيماء وعمر جبر المخرج المنتظر و مريام وأحمد وناصر وكل فريق الاخراج المحترمين
وبشكر مدير التصوير استاذ أحمد رامي وأستاذ Omar وكل فريقهم المحترف ورجالة الإضاءة الي اتشرفت بيهم بشكر فريق عمل المونتاج والموسيقار الكبير محمود طلعت والمطربين العظماء الي قدموا موسيقي واغاني العمل
وتابعت… شكرا الاستايلست استاذه دنيا عبدالمعبود وكل فريق عملها وفريق عمل المكياج والكوافير
بشكر الأستاذ المؤلف ناصر عبدالرحمن على العمل العظيم الي اتشرفنا كلنا بالعمل بيه من كتابة حضرتك
طبعا شكرا لي اخويا النجم أحمد العوضي علي كل حاجه دعمتني بيها وجدعنتك ورجولتك الي مفيش منها نسخه تانيه انت عارف انا فرحت أني معاك ف عمل ليك ويشرفني مليون مرة
وشكرا للنجمة ياسمين عبدالعزيز علي دعمك الكبير ليا وثقتك الغاليه ويارب اكون عند حسن ظنك وظن الجميع
شكرا للجمهور المحترم والداعم الاول ليا ويارب ما اكون نسيت حد ويارب تكونوا شايفني زي ما بحاول اوصلكم الي عندي اخوكم تامر مجدي
