كتبت: هبه الله تامر
يستضيف الفنان رامز جلال الليلة في الحلقة الـ 21 من برنامجه “رامز نيفر إند”، المذاع على قناة “mbc مصر” لاعب الكرة أحمد فتوح.
مقدمة رامز جلال على أحمد فتوح
وقدم رامز جلال لاعب نادي الزمالك أحمد فتوح قائلا: “أنا هعمل معاه تحقيق، انت عارف إيه عليك بيتقال، هل القعدة بيبقا فيها بنات جمال، أنا لاعيب كورة هو أنا بقال، يعني جاهز للتحليل، هو أنا ينفع أكون من المساطيل، لو ردود أفعالك مملة يبقا دماغك متعمرة، اللي اتقال عليه كلام مش مسموح اللي قلبه مجروح أحمد فتوح.. أخاف إيده تكسر أو يتمزق، وأبقا أنا اللي في الصورة”.
رامز جلال يسخر من أحمد فتوح
وسخر رامز جلال من لاعب نادي الزمالك أحمد فتوح، فور وصوله قائلا: “ده مبلط إيشاني، ده اخره يلم الكارتة في موقف أحمد حلمي، جيت بس اشتغلت مبلط، دقن ديلر ماشاء الله، وصلت أول امبارح ومسكوني تحري، هو في شكل كارنفال أكتر من اللي هو لابسه”، وعلق رامز على تيشيرت فتوح قائلا: “ده مفكش السعر من على التيشيرت، شكله ناوي يرجعه، ديه نازلة نقاش”، كما علق على لعب أحمد فتوح قائلا: “ابقا قابلني لو خدتو إفريفيا، مش لما تلعب في الدوري عدل الأول”.
مقلب رامز جلال على أحمد فتوح
و تسلق أحمد فتوح الخيل، ليصل إلى المطعم، وسخر رامز جلال من طريقة نزوله من على الخيل، وبدأ فتوح بتذوق عدد من الأطعمة واللحوم ليسخر رامز منه قائلا: “ده عنده أنيميا”، وقدم له التورتة حيث تنكر في هيئة “ويتر”، ليتفاجأ “فتوح” باقتحام الثور المطعم، وإلقاء رامز جلال “التورتة” على وجهه ليهجم عليه “فتوح” بالضرب.
موعد عرض برنامج رامز نيفر إند
ويُعرض برنامج رامز جلال الجديد «رامز نيفر إند» بعد الإفطار مباشرة، وتحديدا في تمام الساعة 6 مساء بتوقيت مصر، و7 بتوقيت مكة المكرمة، وهو نفس الموعد الذي يُعرض فيه مقلب رامز جلال كل عام خلال شهر رمضان.
