كتبت: نورا مروان
تصدرت النجمة حنان مطاوع محركات البحث المختلفة وخاصة منصة أكس “تويتر سابقا “وذلك بعد ظهورها ببرنامج معكم منى الشاذلي،والتي تقدمه الإعلامية منى الشاذلي.
وتحدثت خلال البرنامج عن أزمتها الصحية قائلة: “قبل العملية حالتي اتشخصت حاجة خطيرة جدًا، والمصيبة إن التشخيص مش من دكتور، والموضوع تضخم قبل ما نستشير الدكتور أو الجراح، ودخلنا في دوامة الوهم أنا وجوزي“.
وتابعت: “ارتبكت جدا لدرجة إني بدأت أعمل مسح ذري، والأعراض كانت ضيق تنفس ولما يجيلي دور برد صوتي يتشرخ ويرجع بعد 4 شهور، ورقبتي بقت عريضة جدًا غير دلوقتي، لإنهم شالوا منها ربع كيلو تقريبًا“.
وأضافت أن خضوعها للكشف باستخدام السونار كان بداية تضخم الأزمة قائلة: “اللي عملوا السونار دخلوني في نفق مظلم ووهم“.
وتحدثت عن تأثير التشخيص عليها وعلى زوجها بقولها: “أنا بقيت مش شايفة حاجة في الدنيا غير بنتي أماليا ومرتبكة جدًا، وأمير طلع من غرفة الكشف كلم كل الدكاترة في العيلة”.
وأضافت:”وبعت لهم صور السونار وسألهم يعمل إيه، ودخل عندي وشه لونه أزرق وفهمت من أداؤه إني مشكويسة“.
وأكملت: “أول ما نزلنا العربية عمل نفس اللي عملته مع هند صبري في مسلسل حلاوة الدنيا، عياط بصوت عالي وفضل يقول والله هتبقي كويسة وهتربي البنت“.
