كتبت: نسرين أشرف البلاسي
أعلن يوسف الصافي، انتهاء مشواره مع فريق الطائرة بالنادي الأهلي، وذلك عقب التتويج بالرباعية الدوري والكأس وبطولة إفريقيا للأندية وبطولة السوبر المصري، في الموسم المنقضي والتأهل إلى كأس العالم للأندية بالهند.
ونشر يوسف الصافي عبر حسابه على موقع التواصل الإجتماعي فيسبوك: “الحمد الله موسم ناجح جدًا على المستوي الجماعي حققنا في كل حاجة، كان ممكن يبقي أحسن بكثير بالنسبة ليا على المستوي الفردي بس زي ما كلنا اتفقنا كفريق في أول السنة، إن المصلحة العامة تغلب أي مصلحة شخصية السنة الفاتت بالذات”.
وتابع يوسف الصافي:”ودا الحمد الله حصل الحمد الله راضي ومبسوط وفخور إنى كنت جزء صغير أوي أوي من الرباعية والموسم الكبير دا”.
وأضاف الصافي في منشوره:”شكرًا لكل ناس بالأخص الأهلي وصحابي اللي ساعدوني إني أعدي فترات صعبة كتير السنة دي، شكرًا جدًا للجمهور على الدعم والمساندة في السنة كلها وبعتذر لو كنت قصرت أو إن حد كان مستني مني أحسن وخذلته”.
واستكمل لاعب الأهلي السابق: “سنة وعدت، اتعلمت منها كتير وأنا متأكد إنى هبقي أحسن كتير السنين الجاية، شكرًا جدًا للناس كلها على كل حاجة”.
واختتم يوسف الصافي :”وبعتذر لأي حد زعلان مني في أي حاجة، إن شاء الله أنا اخترت إنى أبقى في مكان جديد الموسم الجاي إن شاء الله وربنا يوفق الجميع للخير”.
