كتبت: نسرين أشرف البلاسي
حرص الفنان رامي صبري، في الرد على موقفه من تشبيهه بـ الهضبة عمرو دياب، مؤكدًا أن الأخير ينتمي إلى جيل آخر غير جيله.
حيث قال رامي صبري خلال تصريحات إذاعية:” أول ما اشتغلت قعدت فترة أسمع ده بيقلد عمرو دياب ده عاوز مش عارف إيه”.
وتابع رامي صبري:”وأنا كنت أسمع من بعيد وأضايق من التشبيه هما بيعملوا كده ليه، هو أنا فعلًا بقلده؟ هو أنا شبهه؟ يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة”.
وواصل رامي صبري: “فضلت طول أول خمس سنوات أخلي بالي أوي لو أنا شبهه في حركة الأيد وأركز في كل التفاصيل”.
واستكمل رامي صبري:”وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي”.
وأضاف رامي صبري: “أنا كنت بحاول أحافظ على شكل الأغنية اللي بقدمها حتى المزيكا أقول بلاش دي شبيهة لعمرو بقيت كده لدرجة إني خلاص داخل على 9 ألبوم ولسه مركز، والحمدلله أنا بغني من 18 سنة”.
وفي الجانب الآخر ، طرح رامي صبري مؤخرًا أغنية بين الحيطان، عبر موقع الفيديوهات الشهير يوتيوب، من ألبومه النهايات أخلاق.
وهي من كلمات الشاعر الغنائي عمرو المصري، ألحان وتوزيع موسيقى عمرو الخضري.
كلمات أغنية بين الحيطان
وجاءت كلمات أغنية بين الحيطان كما يلي:
وبعدين يا سنيني، أنا البعد آذيني، فراقه طلع عيني اتهديت، بشوف بعده مآسي لا نسيت ولا هكون ناسي، موجود في قلبي وراسي، حنيت، بين الحيطان شايفه وسائق زمان، ذكريات في المكان ما بتتنسبش.
