طرح المطرب رامي جمال، عن موعد طرح أغنيته الجديدة ” برود ببرود”، يوم الإثنين القادم الساعة 8 مساءً، عبر قناته الرسمية على موقع الڨيديوهات الشهير ” يوتيوب”.
ونشر رامي، بوستر الأغنية وذلك عبر حسابه الرسمي على موقع تبادل الصور والڨيديوهات “إنستجرام”، وكتب رامي، مُعلقًا :” ميعادنا يوم الإثنين الساعة ٨، إن شاء الله “.
وفي سياق آخر طرح النجم رامي جمال، أغنية ” يا دمعي”، وذلك عبر موقع الڨيديوهات الشهير ” يوتيوب”، والتي كانت بالتعاون مع الشاعر مصطفى حسن، ألحان مصطفى العسال توزيع أماديو، ڨيرال ويڨ، وإنتاج أر چي برودكشن.
والأغنية جاءت بتصميم مختلف وذلك من خلال الإستعانه بشخصيات صعيدية كرتونية.
وإليكم كلمات أغنية” يا دمعي” :
“ويا مخي مين لففك ويا وجعي ازاي اخففك.
ويا دمعي يا دمعي يا دمعي يا دمعي.
نفسي في فرحة تنشفك.
يا أصحابي طلعتوا عيرة
ملكوش غير سيرتي سيرة
غلاوتكوا راحت غلاوتكوا من بعد ما كانت كبيرة.
رشوا في سكتي خناجرهم
وأنا مأمنتش غيرهم
وروني كتير من شرهم.
ومدوقتش حاجة من خيرهم
ومدوقتش حاجة من خيرهم
ويا دمعي يا دمعي يا دمعي يا دمعي
نفسي في فرحة تنشفك
روحتلهم ردوا بابهم
يحرم على قلبي عتابهم
مش مديهم حب تاني هما خلاص خدوا منابهم
بره من قلبي اتطردوا لو يستاهلوا كانوا قعدوا
الظاهر ان الناس الحلوة خلصوا خلاص بقى وانقرضوا
خلصوا خلاص بقى وانقرضوا
ويا مخي مين لففك ويا وجعي ازاي اخففك.
ويا دمعي يا دمعي يا دمعي يا دمعي.
نفسي في فرحة تنشفك.
واللي سكنتوا مساكني من نقطة ضعفي مسكني.
بطلت الطيبة بطلتها ومفيش حاجة هتحركني.
عززته سقاني من ذله صدمتني ابيار غله.
قدمت الأسبوع كله
ويا مخي مين لففك ويا وجعي ازاي اخففك.
ويا دمعي يا دمعي يا دمعي يا دمعي.
نفسي في فرحة تنشفك”.
كما تصدر المطرب رامي جمال، ترند موقع تبادل الصور والڨيديوهات “تويتر”، بعد طرح الأغنية الرئيسية للألبوم الجديد” خليني أشوفك “.
وأغنية ” خليني اشوفك”، من كلمات زياد حسن، ألحان محمود أنور، توزيع عمرو الخضري.
وإليكم بعض من كلمات أغنية” خليني اشوفك” :
” خليني أشوفك مرة تانية ولو ثواني.. علشان
أوريك إن أنا بقيت حد تاني.. وعشان أقولك إني مزعلتش عليك مبقاش في قلبي مكان خلاص متساب
عشانك.. فيه حاجات كتير من يوم ما غبت خدت مكانك.. من يوم ما غبت وقلبي تقريبا نسيك”.
أيضًا طرح المطرب رامي جمال، أغنية ” بقيس الجمال بيكي”، مؤخرًا عبر موقع الڨيديوهات الشهير” يوتيوب”، وذلك في فبراير 2024.
والأغنية من كلمات وألحان رامي جمال، ميكس وماستر محمد مجدي، وتوزيع محمد مجدي.
وإليكم بعض من كلمات أغنية “بقيس الجمال بيكي” :
“بقيت محتاج اشوف الدنيا بعنيكي
عايز اعيش اللي باقي في عمري و انا جمبك
انا بقولك علشان حطيت عيني عليكي
شوف انا هقولك بحبك ليه و كلامي ده تحسيه
انا قلبي كان تايه و رجعتيه، ليكي انا شايل في قلبي كتير
حبك ده وش الخير انا هبني في عيونك طريق و.. “.
يذكر أن أخر أغاني المطرب رامي جمال، أغنية ” اهي مشيت “، والتي طرحها مؤخرًا عبر موقع الڨيديوهات الشهير ” يوتيوب”، في ديسمبر 2023، بالتعاون مع المطرب فريد، الأغنية من كلمات جمال الخولى، ألحان رامي جمال، وتوزيع زاك.
