كتب: عبد الله طاهر
شوق المطرب أحمد جمال جمهوره لأحدث أغانيه “اليوم بقى بتاعنا “، والتي يستعد لطرحها غدا الأربعاء الموافق 25 سبتمبر الجاري.
ومن المتوقع أن تكون الأغنية على طريقة الفيديو كليب، وهذا ما نشره أحمد جمال من خلال حسابه الشخصي بموقع التواصل الاجتماعي “فيسبوك”.
وترجع آخر أعمال أحمد جمال إلى أغنية “عدى كل الكلام”، والتي اكتسح بها موقع الفيديوهات الشهير “يوتيوب” ولاقت إعجاب وتفاعل الجمهور بشدة.
أغنية “عدى كل الكلام” غناء أحمد جمال، ومن كلمات أحمد جابر، وألحان محمد شحاته، وتوزيع وسام عبد المنعم.
كلمات أغنية “عدى كل الكلام” لأحمد جمال
جماله ده محدش يتخيله
بلاقي نفسي بحب أبصله
ده لو يطلب نجمة من السما
يشوف نفسه في ايه وانا هعمله
ده محتاج 100 فنان يرسمه
يجوا بقى الباقيين يتعلموا
مفيش منه اتنين في الدنيا دي
ده جنبه الحلوين يستسلموا
عدى عدى عدى كل الكلام
ده أنا شوفته مرة واحدة اتشديت قوام
من الفرحة قلبي يومها مرضيش ينام
حصلت مفاجأة فجأة اتعلقت بيه
لا واللي زاد وغطى على الجمال
ده تقيل بشكل زي ما الكتاب ما قال
بيغيروا منه طبعا كل الجُمال
مش لاقي حتى نص غلطة فيه
شقي شقاوة وأهو ده اللي مميزة
كلامي قبل ما أقابله بجهزه
ده خلى الساكتين يتكلموا
وخلى الهاديين يتنرفزوا
عليه طريقة هي اللي بحبها
عيونه أنا مش بشبع منها
لقيت نفسي وروحت معاه أنا
ده حاجة كده جيالي في وقتها
عدى عدى عدى كل الكلام
ده أنا شوفته مرة واحدة اتشديت قوام
من الفرحة قلبي يومها مرضيش ينام
حصلت مفاجأة فجأة اتعلقت بيه
لا واللي زاد وغطى على الجمال
ده تقيل بشكل زي ما الكتاب ما قال
بيغيروا منه طبعا كل الجُمال
مش لاقي حتى نص غلطة فيه
مش لاقي حتى نص غلطة فيه
