كتبت: سلمى عبد الله
قال تامر هجرس إن الشللية موجودة في الوسط الفني، ومنتشرة للغاية وصعبة، ولكن عندما يندمج الفنان مع مجموعة معينة وينسجم معهم بحكم أنهما متواجدان بشكل مستمر، فبالتالي يتم ترشيحه لأي دور.
وتابع تامر هجرس، خلال مقابلة تلفزيونية في برنامج “تفاصيل” للإعلامية نهال طايل الذي يعرض عبر فضائية “صدى البلد 2″، قائلا: “الدكتور أشرف زكي بيهتم بالموضوع ده، وفي ناس من أعضاء النقابة هما أولى إنهم يشتغلوا من البلوجر علشان عندهم متابعين على انستجرام، وكل عضو لازم يبقى ليه معلومات في النقابة وتاريخ أعمالهم ولقطات خاصة من مشاهدهم”.
وأشار هجرس إلى أنه لا توجد خلافات بينه وبين محمد رمضان في فيلم الديزل، وأن ما روج للموضوع ربما قد يكون من جانب الشركة المنتجة حتى يحصل العمل على إيرادات قوية وقت عرضه بالسينمات، كما أنه لم يتقاضى أجر مقابل دوره، ولكنه فعل ذلك مجاملةً لكريم السبكي ومحمد رمضان، وكانت لديه رؤية مختلفة في الكتابة والإخراج والسناريو.
وأردف تامر هجرس: “أهم حاجه كسبتها من الفيلم ده المشهد اللي بقول فيه “أنزل على ركبك يالا”، بسمعها في كل حتة والناس بتبعتها ليا كل شوية، رغم إن الفيلم اتعرض من 7 سنين، وده مهم بالنسبة ليا، وفي نفس الوقت أنا ومحمد مكنش معانا مشكلة خالص، بس الشوشرة مهمة وبتبقى مصنوعة أحيانا”.
وأوضح تامر هجرس أن ياسمين صبري ممثلة جميلة للغاية، وكانت تسأله قبل التصوير “هو حضرتك عندك بنات فعلا”، معقبا: “ياسمين صبري بتضحكني وهي ممثلة شاطرة ولذيذة، وكانت بتقولي يا أونكل رغم إن فرق السن اللي بينا مش كبي، هما كام سنة بس”.
https://www.facebook.com/share/v/L7cTBFF4FezpaUMZ/
