حسام حبيب لـ”الحكاية :” أول متجوزت شيرين كان معايا فلوس أكتر منها.. وعيطت لما حلقت شعرها

حسام حبيب لـ”الحكاية :” أول متجوزت شيرين كان معايا فلوس أكتر منها.. وعيطت لما حلقت شعرها

كتبت : مي شاهين 

صرح الفنان حسام حبيب عن علاقته بالفنانة شيرين عبد الوهاب من خلال مكالمة هاتفية في برنامج “الحكاية”، الذي يقدمه الإعلامي عمرو أديب على قناة mbcمصر.

حيث قال :”وجودي في حياة شيرين مبني على الصداقة، والصداقة وصلت إنها بدأت تستنجد بيّا إنها تخرج من المحيط اللي هي فيه، بمعنى أنا بتنهش”.

وتابع :”ولما جيت أتجوز شيرين كان معايا فلوس أكتر منها، هي عندها نجاح وده يورينا قد إيه شيرين كانت منهوبة”.

وأضاف :”أنا كرست حياتي عشان أقدر أساعد الست دي، سواء قدرت أو لأ، ولما وقفت مع شيرين الحنفية اتقفلت على اللي حواليها، والموضوع بالنسبة لي كان صدمة والرد بالنسبة لي كان صدمة”.

وقال عن حلق شعرها :” هي اللي حلقت شعرها، وأول ما شفتها انهرت وعيطت، وكانت أول مرة أقولها هطلقك”.