خالد الغندور:”كهربا مطالب بتسديد أكثر من 80 مليون جنيه للزمالك وإلا سيعتزل الكرة”
كتبت:مي شاهين
حل الإعلامي خالد الغندور، ضيفًا على برنامج Vip، التي تقدمه الإعلامية أميرة بدر، ويعرض على قناة هي.
وكشف الإعلامي خالد الغندور، عن أزمة تسديد مستحقات نجم الأهلي كهربا، والتي تتخطى الـ80 مليون جنيهًا لصالح نادي الزمالك شاملة الغرامات.
حيث قال :”كهربا كان نجم مصر ومنتخب مصر مع الزمالك، وكان متنجم مع الزمالك وخد بطولات معاه، وفجأة قرر يمشي ويروح النادي الأهلي وبالتالي النادي الزمالك رفع عليه قضية في الاتحاد الدولي والمحكمة الرياضية الدولية”.
وتابع:”هو قدم محامي تونسي ومصر وفي النهاية الزمالك كسبها، وغرمته ٢ مليون و400 الف دولار وبعد ايام قليلة يعني لازم يدفع ٨٠ مليون جنيه يا إما هيعتزل، حظه السئ إن الدولار إرتفع عن ما كانت الغرامة في البداية، ودلوقت مفيهاش حل غير إنه يدفع”.
وأضاف :” والمستشار مرتضى منصور كان قاله يعتذر ويقول مين اللي حرضه يسيب الزمالك ويروح الأهلي، وكمان كهربا بعد ما جاب جون في الزمالك وراح غنى مع الجماهير بألفاظ خارجة ضد الجمهور الزمالك وفيها إيحاءات، والناس شافت كلامه مش كويس وإتحول لجنة الإنضباط ولما طلع مع رامز نيفر إند كذب وقال أنه مقالش إيحاءات وهكذا”.
وأكمل :” ولما رد على سؤال تلعب في الزمالك ولا تعتزل كان سؤال خايب، وكان المفروض يقول بحترم نادي الزمالك بس ميغلطش فيه”.
وإستطرد قائلاً:” المستشار مرتضى عرفه عن طريق مشاجرة لأخوه في مصر القديمة وتسبب في مقتل أحد الأشخاص، والمستشار مرتضى منصور اتعرف عليه من هنا وجه من إنبي وراح الزمالك وأخد فلوس أكتر، وقعد ٦ شهور بالظبط وجاله عقد في السعودية ومضى على عقد في السعودية ياخد فيه اكتر من اللي بياخده في الزمالك ١٥ مرة، ومرتضى وافقله وقعد إعارة سنة وجاله ملايين الدولارات وهكذا، ولما خلص ورجع مصر نسي فضل الزمالك عليه ولما رجع قال مش عايز ألعب في الزمالك تاني”.
الجدير بالذكر أن برنامج “vip” يعرض على شاشة “هي” يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا
